HOSEA 14:2 - KITTA' MATANGKASA'

² He bansa Israel, ammotere' mako mae ri Karaeng Allata'alanu! Passabakkang dosanu nutappeccoro' siagang tu'guru'.

HOSEA 14:2 Referans Kwoze

IBRANI 13:15

Lanri kammana, tete ri Isa, paralluki' tuli mammuji-muji ri Allata'ala; iaminjo a'jari koro'bang sukkurutta mae ri Ia, nipassareanga lalang kana-kana nipaua untu' ampakala'biriki arenNa.

AYUB 7:21

Tenaka naKikkulle ampamopporangi dosaku? Tenaka oloTa ampamopporangi salangku? Sinampe' mami nakunra'bamo lalang ri kuburanga, na punna Kiboya' sallang, tenamo naKigappa'.”

1 YOHANES 3:5

Nuassengi angkanaya battui Almasi untu' antangkasi dosa-dosana rupataua, siagang angkanaya tena dosa lalang ri KalenNa.

1 PETRUS 2:5

Ikau sanrapang ngasengko batu-batu mattallasaka. Lanri kammana paralluko ampassareangi kalennu untu' nipake ambangung Balla' rohaniNa Allata'ala. Lalang kammana anjo a'jari mako imang-imang mae ri Allata'ala lalang ri katallassannu; siagang tete ri Isa Almasi angngerang mako koro'bang rohani mae ri Allata'ala, iamintu koro'bang nitarima bajika ri atinNa Allata'ala.

2 TIMOTIUS 1:9

Napasalamakki' siagang Nakiokki' Allata'ala untu' a'jari umma' KalenNa. Iaji naNagaukang Allata'ala anjo kammaya teai lanri apa-apa le'baka nigaukang nabilang ri kalenta, passangalinna lanri ero' KalenNa siagang lanri pangngamaseang malammoro'Na tete ri Isa Almasi, ri wattu tenanapa nanipa'jari anne linoa.

LUKAS 18:13

Mingka anjo pasingara' simaya bellai ammenteng siagang tena nabarani acconga nai' ri langika. Napurusu'mi barambanna na nakana, ‘O, Allata'ala, Kikamaseanga', anne inakke tau dorakaya!’ ”

YO"EL 2:17

Suroi sikamma imanga allayani Batara, angngarru' ri alla'na tampa' pakkoro'bangnganga siagang ri tampa' pattiro-tiroang ri dallekanga, na angkana, “Kisayang laloi ummatTa, o Batara; teaKi' lappassangi taunTa nicalla,” sa'genna appiandere' bansa-bansa maraenga siagang angkana, “Kemaeji Allata'alana ke'nanga?”

2 SAMUEL 24:10

Mingka ri le'ba'namo nasuro bilang Daud anjo bansaya, naassemmi kalenna sala, nampa nakanamo mae ri Batara, “O, Batara, teai sipato' dorakaku! Kipammopporanga', lanri dongo'na anjo panggaukangku.”

2 SAMUEL 12:13

Nampa nakanamo Daud ri Natan, “Dorakama' mae ri Batara.” Appialimi Natan angkana, “Le'ba' maki' Napammopporang Batara; jari tena kilamate karaeng.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.

IBRANI 10:4

Nasaba' tena memang nakkulle anjo cera' sapia siagang cera' bembe lakia ampa'lanynyaki dosaya.

ROMA 11:27

LapparekKa' janji majarre' siagang ke'nanga ri wattunna Kupammopporang dosa-dosana ke'nanga.”

YOHANES 1:29

Ammukona, nia'mi Isa nacini' Yohanes battu mae ri ia. Nakanamo Yohanes, “Cini'mi, Iaminjo Ana' Gimbala'Na Allata'ala, antangkasiai dosana bonena linoa.

LUKAS 11:13

Manna pole ja'dala' ngasengko, mingka angngasseng tonjako assare apa-apa baji' mae ri ana'nu. La'biangampa Manggea ri suruga! LaNapassareangi RohNa mae ri tau appalaka ri Ia!”

MATIUS 7:11

Manna antekamma ja'dala'nu mingka angngasseng tonjako assare apa-apa baji' mae ri ana'-ana'nu. La'biangampa pole Manggenu ri suruga, ma'nassa laNasarena apa baji' mae ri tau appalaka ri Ia.

ZAKHARIA 3:4

Nakanamo anjo malaekaka mae ri sikamma pambantu-pambantuna ri suruga, “Pelaki care-care ra'masa' niaka napake anne taua.” Nampa nakana mae ri Yosua, “Kupela'mi dosanu, lakusareko pakeang beru.”

YESAYA 6:7

Naseroi muncengku siagang anjo bara pepeka na nakana, “Anne baraya le'ba'mi nasero muncennu. Kamma-kamma anne le'ba'mi nilu'lu' kasalannu siagang Napammopporang Batara dosanu.”

1 YOHANES 1:7

Mingka punna attallasakki' lalang ri singaraka, sangkamma Allata'ala niaki lalang ri singaraka, assiama' maki' massing para ikatte lalang ri katallassanta; kammayatompa nitangkasimi sikontu dosa-dosata lalang ri cera'Na Isa, Ana'Na Allata'ala.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

PAMMUJI 50:14

Assare mako koro'bang sukkuru' mae ri Allata'ala, rupai janjinnu mae ri Kaminang Tinggia.

PAMMUJI 51:16

Kilappassanga' battu ri kamateanga, o, Allata'ala Tumappasalamakku, nakurannumo angkabarrangi kaadelanTa.

PAMMUJI 51:17

O, Batara, tulunga' a'bicara, nakulammuji-muji mae ri Katte.

PAMMUJI 119:108

Kitarimai pappala' doang sukkurukku, o, Batara, siagang Kiajarakka' hukkung-hukkunTa.

HOSEA 6:6

Kungaiangngangi punna tappakko siagang mangngamaseangko ri Nakke, naia punna attunuko siagang assareko koro'bang mae ri Nakke.

YUNUS 2:9

Mingka lakkelonga' pammuji mae ri Katte siagang assarea' koro'bang untu' iKatte. Sikontu janjingku lakurupai. IKatte Batara mappasalamaka.”

YESAYA 44:22

Kasalannu Kubongkai rapang rammang, dosanu Kupakabellai rapang saliu'. Ammotere' mako mae ri Nakke, saba' le'ba' mako Kupakabebasa'!”

YEREMIA 3:12

Nasuroa' Batara a'lampa untu' ampabattui anne passalaka mae ri Israel angkanaya: “He Israel tenaya namajarre' pa'mai'na, ammotere' mako mae ri Nakke! Lompo pangngamaseangA' ri kau siagang tena Kutuli lalarro mae ri kau.

HOSEA 5:5

A'nassai nicini' katampoanna bansa Israel, siagang a'jari buttimi ri kasalanna. Dosana ke'nanga a'jari saba' natatto'ro siagang tu'guru', siagang bansa Yehuda tu'guru' tommi siagang ke'nanga.

HOSEA 12:7

Lanri kammana anjo, he ikau ngaseng jari-jarina Yakub, tappa' lalo mako mae ri Allata'alanu siagang ammotere' mako mae ri Ia. Attallasa' mako lalang pangngamaseang siagang kalambusang, siagang attayang mako siagang sa'bara' sa'genna angngalle tindakang Allata'alanu.