HOSEA 13:14 - KITTA' MATANGKASA'

¹⁴ Anne bansaya tena nalaKupasalamaki battu ri linona tau matea. He kamateanga, pa'la'bammi racunnu! Gaukammi anjo jama-jamannu angngancuruka! Tenamo naKukamaseangi anne bansaya.

HOSEA 13:14 Referans Kwoze

YESAYA 25:8

LaNaancuruki Batara Kaminang Makoasaya anjo kamateanga sa'genna satunggu-tungguna! LaNasapui sikamma je'ne' mataya battu ri rupaya, siagang Napakabella kahinanga ia natanggonga umma'Na ri sikontu buttaya. Batara anne le'ba' akkana kamma, na mattantu lakajarianna anjo passalaka.

PAPPICINI' 21:4

LaNasapui sikamma je'ne' mata niaka ri matanna ke'nanga. Tenamo nalania' kamateang; tenamo si'na, karru', kammayatompa garringa latena ngaseng tommi. Sikontu apa-apa salloa lanynya' ngasemmi.”

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

YESAYA 26:19

UmmatTa mateamo lattallasa' poleangi ammotere', sikamma maya'na ke'nanga lambangungi ammotere'. Tau le'bakamo nitarawang lalang ri buttaya lambangung poleangi siagang akkio' rannu. Rapang saliu' ampakkamalei buttaya, Kipattallasaki ummatTa salloamo le'ba'na mate.

PAMMUJI 49:15

Sanrapang gimbala', nipattantui ke'nanga untu' mate; kamateang langkalawaki ke'nanga. Ri bari'basa' iji nibetami ke'nanga ri tau lambusuka linta'mi botto' tubuna ke'nanga lalang ri linona tu matea, bella battu ri pammantanganna tau assannang-sannanga.

PAMMUJI 30:3

Batara Allata'alaku, akkioka' mae ri Katte appala' tulung, nampa Kipammollea' ri garringku.

AYUB 33:24

Tu'guru' pangngamaseammi anjo malaekaka, nalanakana, ‘Kilappassangi, takkulleai naung ri linona tau matea. Apanne doe' pappasulu'na, sollanna bebasa' ammotere'.’

ROMA 11:29

Nasaba' punna Napilei Allata'ala anjo taua siagang Nabarakkaki, tale'bakai Nabeso' ammotere' anjo apa le'baka Nagaukang.

PAMMUJI 86:13

Saba' tuli Kikamaseanga' lalang pangngamaseang lompoTa; Kilappassammi nyawaku battu ri kali'bong kuburuka.

PAMMUJI 16:10

Saba' tena Kilappassanga' mate; taKilappassangai posso' tu Kikamaseanga.

1 SAMUEL 15:29

Allata'alana Israel Ia Mala'birika tena Na'balle-balle, siagang tena todong naNapinrai pikkiranNa, lanri Ia teai rupatau.”

PAPPICINI' 20:13

Nampa napassareammo tamparanga sikamma tau matea, niaka lalang ri ia. Kamateanga siagang Linona Kamateanga napassareang ngaseng tommi sikamma tau mate niaka ri ia. Nanihukkung ngaseng tommo anjo tau matea situru' panggaukanna ke'nanga.

1 TESALONIKA 4:14

Tappa' maki' angkanaya le'ba'mi mate Isa Nattallasa' poleang ammotere'. Iaminjo saba'na nakitappa' tommo angkanaya laNapattallasa' poleangi Allata'ala sikontu tau matea lalang KalenNa Isa, iamintu sikontu tau tappaka mae ri Ia, sollanna attallasa' tommo ke'nanga lalang ri Ia.

2 KORINTUS 5:4

Lalang ammantanta ija lalang ri anne balla' battua ri lino, musti akkunrarengki' lanri battala'na tanggonganta. Teai lanri erotta ta'lappasa' battu ri tubu battuta ri anne linoa, passangalinna lanri erottamo ampakei anjo tubu battua ri suruga, sollanna akkulle nikoasai ri katallassang anne tubuta akkullea mate.

ROMA 11:15

Lanri nisorongbokona ke'nanga ri Allata'ala, na'jari baji'mo ammotere' passisambunganNa Allata'ala siagang linoa; jari la'biangampa pole punna nitarima ke'nanga ri Allata'ala! Tantu sangkamma le'ba'mi ke'nanga tau mate attallasa' poleanga ammotere'!

MALEAKHI 3:6

“INakkemi Batara, siagang tale'baKa' amminra. Lanri kammana, ikau ngaseng jari-jarina Yakub, tena nipanrakiko.

HOSEA 6:2

Lalang anne rua yareka tallungalloa laNapa'jari bajikki' ammotere', nakilattallasa'mo ammotere' irawa ri la'lanNa.

PAMMUJI 71:20

Kipitujuia' jai kapa'risang lompo, mingka iKatte lampoterangi kagassingangku siagang lampabangunga' ammotere' battu ri kuburuka.

PAMMILANGNGANG 23:19

Anjo Allata'ala tena nasangkamma rupataua gampanga assesse' lalang siagang nangaia a'balle-balle. Punna a'janji Allata'ala, mattantu laNarupai! Punna a'bicarai, tena taNagaukanNa!

FILIPI 3:21

Anne tubuta lammaya siagang lapossoka, laNapinrai Almasi a'jari sangkamma TubuNa mala'birika. Akkullei Nagaukang anjo kammaya, lanri nia' kakoasanNa untu' ampatundu' ngasengi sikontu apa-apa niaka.

YEREMIA 15:6

Le'ba'Ma' nusorongboko siagang nubokoi, lanri kammanami anjo naKuangka' limangKu untu' angngancurukko, lanri lanreMa' antahangi larroKu.

PAPPICINI' 6:8

Kucinikimi, nampa nia' kucini' sikayu jarang pi'lasaka tanja'na. Pabaena niarengi Kamateang. Ri bokona a'reppese'mi amminawang Lino Kamateanga. Kakoasanga mae ri bage appa'na anne linoa nipassareangi mae ri ke'nanga, sollanna akkulle ke'nanga ammuno lalang ri pa'bundukanga, lalang ri kacipuranga, lalang ri kagarringanga, kammayatompa battu ri olo'-olo' sekkeka.

YEREMIA 20:16

Boli'mi kamma anjo angngeranga kabara' a'jari sangkamma anjo kota-kota niancuruka tanikamaseang ri Batara. Boli'mi kamma allangngere' tau ammarrang napakamma pa'risi' ri wattu bari'basa', siagang sa'ra ammarrang ri pa'bundukang ri tangngana alloa.

YEREMIA 31:35

Mataalloa Napasadiai Batara untu' a'jari singara' ri wattu allo; bulanga siagang sikamma bintoenga untu' ansingari bangngia. Nagoccangi tamparanga sa'genna a'rere bombanga, Batara Kaminang Koasaya, iaminjo arenNa.

YEHEZKIEL 37:9

Nakana Allata'ala ri nakke, “He tau, a'bicarako mae ri anginga. Pauangi angkana iNakke, Batara Kaminang Tinggia amparentakangi mae ri ia sollanna nia' battu ri kere-keremae, untu' ampatuiki nappasaka antama' ri anjo sikamma tubu matea sa'genna attallasa' poleang.”

AYUB 41:22

Kacikoro'na tamaka kassa'na, sa'genna malla' ngaseng sikontu apa niaka ri dallekanna.

PAMMUJI 49:16

Mingka laNalappassanga' Allata'ala, laNalappassanga' battu ri koasana kamateanga.

HOSEA 7:10

A'nassai nicini' katampoanna tu Israel siagang iaminjo a'jari butti mae ri kasalanna ke'nanga. Manna pole nakajariang ngasemmo anjo sikammaya, tena tongijapa naboyA' ke'nanga yareka ammotere' mae ri Nakke, Karaeng Allata'alana ke'nanga.