HOSEA 12:5 - KITTA' MATANGKASA'

⁵ A'lagai siagang sitau malaeka', nammeta. Nampa angngarru' appala' nibarakkaki. Nampa ri Betel, battui Allata'ala mae ri Yakub, iamintu boe-boeta anjo, a'bicara siagang ia.

HOSEA 12:5 Referans Kwoze

KALAPPASSANG 3:15

Kabarrang tongi angkanaya iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, ansuroko mae ri ke'nanga. INakke Batara, iaminjo arengKu sa'genna satunggu-tungguna. Iaminjo nisa'bukanga' ri sikontu bansaya sa'genna sikontu bija-bijanna.

YESAYA 42:8

INakke Batara, iaminjo arengKu; taKupassareangngai kala'birangKu manna ri nai; masahorokKu taKupassareangngai mae ri patunga.

PAMMUJI 135:13

O, Batara, iKatte tuli lanikabarrang, siagang arenTa niu'rangi ri sikontu turungang,

PA'JARIANG 32:30

Le'baki anjo nakanamo Yakub, “Le'ba'ma' assibuntulu' rupa siagang Allata'ala kunampa attallasa' ija.” Lanri kammana naaremmi anjo tampaka Pniel.

PA'JARIANG 28:16

Ambangummi Yakub battu ri tinrona nampa nakana, “Niaki Batara anrinni, ri tampaka. Mingka nampami kuasseng kamma-kamma anne.”

PAMMUJI 30:4

Kilappassanga' battu ri lino kamateanga, Kipattallasakka' battu ri alla'na sikamma tau matea.

PA'JARIANG 35:9

Ammotere'na Yakub battu ri Mesopotamia, Napappicinikammi pole KalenNa Allata'ala ri ia siagang nibarakkakimi.