HOSEA 12:4 - KITTA' MATANGKASA'

⁴ Baku' lalanna ija ri battanna amma'na anjo Yakub, iamintu boe-boena ke'nanga, nanalacci' memammo sari'battang kambara'na iamintu Esau; na ri wattunna lompomo, a'lagami Yakub siagang Allata'ala.

HOSEA 12:4 Referans Kwoze

MALEAKHI 3:1

Appiali Batara Kaminang Koasaya, “LaKukiringi battu tunisuroKu untu' ampasadiai oloangKu. NaKuti'ring lania' battu, iNakke Batara nuboyaya, mae ri BallakKu. Labattui anjo suroKu nukanakkukanga na napa'la'bang parjanjiangKu.”

PA'JARIANG 35:15

Naaremmi anjo tampaka “Betel”.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

1 TESALONIKA 4:17

Le'baki anjo, ikatte tau attallasaka ija anjo wattua lanipasiangka' ngasengki' siagang ke'nanga antama' ri rammanga untu' mange assibuntulu' siagang Batara. Nampa lammantang maki' siagang Batara sa'genna satunggu-tungguna.

YESAYA 63:9

Ia KalenNa nituju ri kasusaanna ke'nanga. Tena Nakkiring Batara tunisuro yareka tunisare koasa; Ia KalenNa allappassangi ke'nanga lanri pangngamaseanNa siagang pangngarimanginNa. Tuli Naparakai ke'nanga battu riolo.

PAMMUJI 66:6

Napinrai tamparanga a'jari butta kalotoro', nalimbangngi boe-boena ikambe a'jappa bangkeng. Na marannumo ikambe lanri panggaukanNa.

PA'JARIANG 48:15

Le'baki anjo nabarakkakimi Yusuf, nakana, “Allata'ala, Iami Batara napakalompoa Abraham siagang Ishak, Iami anrurunganga' sa'genna kamma-kamma anne;

PA'JARIANG 32:29

Nakanamo Yakub, “Kipaumi inai arenTa Karaeng.” Mingka appialimi anjo taua angkana, “Tena naparallu nupakkuta'nangngang angkana inai arengku!” Nampa nabarakkaki Yakub.

PA'JARIANG 32:24

Mingka ia ammantangi kale-kalenna. Nania'mo sitau bura'ne battu nampa a'laga siagang Yakub sa'genna la'biring singaraka.

PA'JARIANG 32:26

Nampa nakana anjo taua, “Lappassanga', kala'birimmi ammumba alloa.” Appialimi Yakub angkana, “Tena nakulappassangki' karaeng, punna tena kibarakkakia'.”

PA'JARIANG 25:26

Ri wattunna nilassukang ana' makaruaya, limanna anna'galaki ri kacunu' bangkenna Esau. Iaminjo saba'na naniareng Yakub. Annampulo taung umuru'na Ishak, wattu lassu'na ke'nanga.

PA'JARIANG 32:25

Ri wattunna naasseng kalenna anjo taua angkana talammetayai ri anjo pa'laganga, nalappassangngimi pungku'na Yakub, sa'genna tassalamo poko' bongganna Yakub.