HOSEA 12:11 - KITTA' MATANGKASA'

¹¹ Le'ba'Ma' a'bicara mae ri na'bi-na'bia, siagang jaimi pappiso'na le'ba' Kupicinikiangi ke'nanga. Tete ri ke'nanga Kupaumi sikamma rancanaKu untu' ikau ngaseng, ummakKu,

HOSEA 12:11 Referans Kwoze

HOSEA 8:11

Pila' jai tampa' pakkoro'bangngang nibangung ri tu Israel untu' antangkasi dosaya, pila' jai tongi tampa'na ke'nanga untu' anggaukangi dosaya!

HOSEA 6:8

Anjo kota Gilead rassi tau ja'dala' siagang pabuno tau.

HOSEA 4:15

He ikau ngaseng tu Israel, tena namajarre' pa'mai'nu mae ri Nakke! Mingka, Kurannuangi Yehuda natenaja nagaukang tongi kasalang kammaya! Teako mangei anggaukangi ibadanu ri Gilgal yareka ri Betel. Teako assumpai anjoreng lanri arenNa Batara mattallasaka.

HOSEA 9:15

Nakana Batara, “Sikontu kaja'dallanna ke'nanga appakkaramulai ri Gilgal. AnjoremMa' appakkaramula birisi' mae ri ke'nanga. Lanri panggaukanna ke'nanga ja'dalaka, laKubongkai ke'nanga battu ri anne pa'rasangangKu. Tenamo nalaKukamaseangi ke'nanga; sikontu pamimpinna ke'nanga angngewa ngasemmi ri Nakke.

HOSEA 10:1

Israel rapangi poko' anggoro' roasaka rapponna. Pila' katambangi kalumanynyanna, pila' jai tongi tampa' pakkoro'bangnganga napareka. Pila' kalumanynyangi, pila' baji' tongi patung-patunna barhala nasombaya.

YUNUS 2:8

Tau anynyombaya ri barhala tenaya bua'-bua'na nabokoiKi' siagang tamajarrekami pa'mai'na.

AMOS 5:5

Teako a'lampai mange ri Bersyeba untu' anynyomba. Teako boyaiA' ri Betel, nasaba' lalanynyaki Betel. Tea tongko a'lampai mange ri Gilgal, nasaba' pandudu'na anjo kotaya laniengkaki mange ri pammelakkanga.”

AMOS 4:4

Nakana Batara Kaminang Tinggia, “He umma' Israel! A'lampa lalo mako mange ri tampa' ibadaya ri Betel, siagang gaukammi dosaya anjoreng! A'lampako mange ri Gilgal siagang gaukammi dosaya situru' pangngainnu! Assare mako koro'bang tunggala' bari'basa', siagang angngerang bage sampulona battu ri sikontu alle polenu lalang tunggala' tallungalloa!

YEREMIA 10:15

Anjo barhala-barhalaya tena anggaranna, siratangi nicau-cau siagang nihina. Punna narapiki sallang wattunna lapanraki ke'nanga.

YEREMIA 10:8

Kapala batui siagang dongo' ngasengi ke'nanga nasaba' rewatana poro kayuji bawang, takkulleai angngajara' ri apa a'matu-matua.

YEREMIA 2:28

Kemae ngaseng anjo barhala-barhala nupareka? Punna nia' kasukkarang, suromi anjo sikamma barhalaya ampasalamakko' punna akkullei! He Yehuda, anjo rewata-rewatanu sangkammai jaina kota-kotanu!

YEREMIA 2:20

Nakana Batara, “Sallo mako taeroka anynyomba ri Nakke; taeroka mannuruki yareka mappilangngeri ri Nakke Irate ri tunggala' bulu' tinggia nai', siagang irawanganna poko' kayu lompoa anjorengko anynyomba ri rewata-rewata kacopponganga.

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

HOSEA 10:2

Anjo sikamma tau a'jekkoa atinna, kamma-kamma anne musti natanggongi hukkunganna dosana. LaNaancuruki Allata'ala tampa' pakkoro'bangnganna ke'nanga, siagang Naruntungi patung-patung barhalana ke'nanga.

PAMMILANGNGANG 12:6

na Nakanamo Batara, “Pilangngeri anne kana-kanangKu! Punna nia' battu ri kalase'rennu a'jari na'bi, Kupa'nyatai KalengKu mae ri ia lalang ri paccini'na siagang a'bicarA' siagang ia lalang so'na.

2 KARAENG-KARAENG 17:13

Akkiringi Batara siapa are tunisuro siagang na'bi-na'biNa mae ri umma' Israel siagang Yehuda untu' ampabattui anne pappakainga' kammaya: “Ammarimako a'gau' ja'dala' siagang turukimi parenta siagang hukkung le'baka Kupassareang mae ri boe-boenu siagang mae ri kau tete ri sikamma anjo atangKu, na'bi-na'bia.”

YEHEZKIEL 17:2

Kupabattua, iNakke Batara Kaminang Tinggia angkana: Nia' sikayu jangang-jangang rajawali sannaka lompona, ga'ga bulunna, siagang la'baki nakassa' ka'nyi'na. Anri'baki mange ri Moncong Libanon, annepo' cappa' poko' kayu camara,