HOSEA 11:1 - KITTA' MATANGKASA'

¹ Nakana Batara, “Kukamaseangi Israel battu ri ca'dina, Kukioki anakKu assulu' battu ri Mesir.

HOSEA 11:1 Referans Kwoze

MATIUS 2:15

Ammantammi ke'nanga anjoreng sa'genna mate Herodes. Lanri kammana, a'rupami kananNa Batara le'baka Nasuro pabattu ri na'biNa, angkanaya, “Kukioki ammotere' anakKu battu ri Mesir.”

KALAPPASSANG 4:22

Nampa paumi ri anjo karaenga angkanaya iNakke, Batara, appasang kamma anne: ‘Anjo Israel ana' toaKu,

HOSEA 13:4

Nakana Batara, “INakke Karaeng Allata'alanu, le'baka angngerangko assulu' battu ri Mesir. Tena Allata'ala maraeng pantaranganna iNakke. INakkemi se're-se'rea ampasalamakko.

HOSEA 2:15

Koko-koko anggoro'na laKupoterangi mae ri ia, siagang Ka'bung Kasusaanga laKupinrai a'jari pakke'bu' panrannuang. Anjoreng lanaruppaiA' sangkamma ri wattu lolona, ri wattu beru assulu'na battu ri Mesir.

MALEAKHI 1:2

Nakana Batara mae ri umma'Na, “MangngamaseangA' mae ri kau ngaseng.” Mingka appiali ke'nanga angkana, “Antekamma bateTa angkamaseangi ikambe Batara?” Appiali Batara angkana, “Sai anjo Esau daenna Yakub? Mingka Yakub Kukamaseang,

HOSEA 12:13

Nampa lari Yakub, iamintu boe-boeta, mange ri Mesopotamia; siagang napa'jari atami kalenna a'jari pakalawaki gimbala' untu' anggappa baine battu ri ana'na anjo patannaya gimbala'.

YEHEZKIEL 16:6

Nampa allaloMa' naKucinikko ammokki' lalang ri pangngammeang cera'nu, mingka tena naKulappassangko mate.

PAOLE 7:7

Nakamaseangko siagang Napileko Batara, teai lanri la'bi lompoangangko na bansa-bansa maraenga; sikontu tojenna ikau bansa kaminang ca'di ri sikontu linoa.

HOSEA 12:9

Nakana ke'nanga, ‘Kamma-kamma anne kalumanynyang maki'. Assawala' maki'. Tena manna sitau akkulle antuduki' angkanaya lanri kajekkonganta nakiakkalumanynyang.’

KALAPPASSANG 4:23

siagang ikau Kuparentakang mako sollanna nusare ising anjo anakKu untu' a'lampa, sollanna akkulle nagaukang ibadana mae ri Nakke; mingka nutollaki anjo parentaKu. Kamma-kamma anne laKubunoi ana'nu toaya.’ ”

PAMMUJI 129:1

Kelong siara. He Israel, paui antekamma batenu nisessa ri musu battu ri rungkanu.

YEREMIA 12:7

Nakana Batara, “Tampa' pammantangangKu tenamo naKujampangi; pa'rasangang Kupatanga Kubokoimi, siagang ummakKu Kukamaseanga Kupassareammi ri limanna musu-musunna.

HOSEA 10:15

Iami anjo apa lakajarianga mae ri kau ngaseng, he pandudu'na Betel, lanri le'ba'na nugaukang kaja'dallang lompoa. Ri wattu ammumbana alloa ri bari'basaka, tasalloapi appakkaramulana bunduka, nalamatemo karaennu.”

KALAPPASSANG 19:4

“Le'ba' ngasemmi nucini' apa Kugaukanga mae ri tu Mesir, siagang antekamma bateKu angngerangko mae ri KalengKu ri anne tampaka lalang kakoasang lompoKu, rapang jangang-jangang rajawali angngerangi ana'na lalang ri ka'nyi'na.

PAOLE 33:3

Nakarimangngi Batara bansaNa, Nala'langngi taunNa. Umba kisu'ju' ri dallekang bangkenNa siagang mannuruki ri parenta-parentaNa.

YESAYA 43:4

Nia' anggarannu ri matangKu, Kuanggarakko siagang Kukamaseangko; jari Kupassareangi rupataua a'jari sambennu, bansa-bansaya a'jari sambe nyawanu.

YEHEZKIEL 16:22

Lalang ri katallassannu anjo appakaringi'-ringika salaku pasundala', manna sike'de' tanuu'rangi ri wattunnu ca'di riolo, ri wattunnu assolara' ammokki' niamme ri cera' kalennu.”