HOSEA 1:4 - KITTA' MATANGKASA'

⁴ Nakanamo Batara ri nakke, “Arengi anjo ana'nu Yizreel, nasaba' tasalloami nalaKuhukkung Karaeng Israel, lanri pammunoang nagaukanga Yehu, boe-boena, ri Yizreel. LaKupa'le'baki pamarentahanna jari-jarina Yehu.

HOSEA 1:4 Referans Kwoze

HOSEA 1:9

Nakana Batara ri nakke, “Arengi anjo ana'nu ‘Teai UmmakKu’, nasaba' tu Israel teai ummakKu, siagang iNakke teaiA' Allata'alana ke'nanga.”

HOSEA 1:6

Nampa allassukang bainengku ana' makaruana ikambe, iamintu sitau ana' baine. Nakana Batara ri nakke, “Hosea, arengi anjo ana'nu ‘Tenaya Nikamaseangi’, lanri tenamo nalaKukamaseang bansa Israel siagang tena sikalimo nalaKupammopporang ke'nanga.

YEHEZKIEL 23:31

Nupalembai sipa'-sipa'na daennu, lanri kammana anjo laKuhukkungko sangkamma todong Kuhukkunna daennu.”

YEHEZKIEL 23:10

Nisolarrimi ri ke'nanga siagang kasara', nampa nabuno siagang pa'dang, na narampasa' ana'-ana'na. Kemae-kemae anjo sarenna nipare' caritai ri tubai'-bainea.

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

YESAYA 7:14

Kamma-kamma anne, KalenNa Batara lassare tanra mae ri kau: Nia' sallang sitau tulolo latianang siagang allassukang sitau ana' bura'ne, lanaarenga Imanuel.

2 KARAENG-KARAENG 15:29

Ri wattu ammarentana Pekah, naallei karaeng Asyur iamintu niarenga Tiglat-Pileser kota-kota Iyon, Abel-Bet-Maakha, Yanoah, Kedes, Hazor, daera Gilead, Galilea siagang Naftali. Pandudu'na niengkaki mange ri Asyur a'jari tunitahang.

2 KARAENG-KARAENG 10:17

Battuna ke'nanga mange anjoreng, nabunomi Yehu anjo sikontu bija pammanakanna Ahab, tena manna sitau nalappassang ammantang. Kajariang kabusu'mi anjo sikammaya situru' apa le'baka Napau Batara mae ri Elia.

YOHANES 1:42

Nirurungammi Simon ri Andreas mae ri Isa. Nijanjammi Simon ri Isa, nampa akkuta'nang Isa angkana, “Ikau Simon, ana'na Yona. Lanigallarakko Kefas.” (Kefas sangkammai battuanna siagang Petrus, iamintu: bulu' batu.)

LUKAS 1:63

Appala'mi Zakharia se're batu pannulisang nampa natulisi' angkana, “Yohanes arenna.” Lannasa' ngasemmi ke'nanga.

LUKAS 1:31

Latianangko, siagang lammanakko sitau ana' bura'ne, na musti nuarengi Isa.

LUKAS 1:13

Mingka nakanamo anjo malaekaka, “Teako mallakki Zakharia! Nalangngere'mi Allata'ala pappala' doannu. Lammanaki tu ri balla'nu Elisabet, sitau bura'ne. Anjo anaka sallang musti nuarengi Yohanes.

MATIUS 1:21

Lammanaki sallang Maria sitau ana' bura'ne. Na anjo anaka musti nuarengi sallang Isa, nasaba' Iami sallang lampasalamaki umma'Na battu ri kapanrakanga.”

HOSEA 9:17

Anjo Allata'ala kulayania laNatollaki umma'Na, lanri teai ke'nanga mappilangngeri ri Ia. La'lampai ke'nanga mange-mange ri alla'na bansa-bansaya.

HOSEA 2:13

LaKuhukkungi lanri napakei allo-alloa untu' attunu dupa mae ri Rewata Baal, kammayatompa namodei kalenna siagang belo-belo untu' angngondangi sikamma tanring-tanrinna, nampa nakaluppai taba sikaliMa'. INakke, Batara, anne akkana.”

2 KARAENG-KARAENG 15:8

Ri taung makatallumpulona assagantuju ammarentana Karaeng Uzia ri Yehuda, iaminjo wattua na'jari karaeng todong Zakharia ana'na Yerobeam II ri Israel siagang ammarentai ri Samaria annang bulang sallona.

YEREMIA 20:3

Bari'basa'na pole ammuko, ri le'bakku nilappassang nisikko' ri Pasyhur, kukanamo ri ia, “Areng Napassareanga Batara mae ri kau teai Pasyhur, mingka ‘Pammunoang ri kere-keremae.’

YOSUA 19:18

Antamaya ri daerana ke'nanga iamintu: Yizreel, Khesulot, Sunem,

2 KARAENG-KARAENG 10:1

Nia' tujupulo tau ana' cucunna Ahab ammantang ri kota Samaria. Lanri kammana anjo akkirimmi sura' Yehu mange ri Samaria, iamintu mae ri sikamma tau a'jari tutoaya mae ri ana' cucunna Ahab, kammayatompa mae ri sikamma tau anna'galaka pamarentahang siagang tutoa-toana tau jaia ri anjo kotaya. Kammaminne bonena anjo suraka,

YESAYA 8:3

Siapa are wattu ribokoanganna attianammi turiballakku. Ri wattunna lassu' anjo ana'na ikambe, Nakanamo Batara ri nakke, “Arengi antu anaka ‘Panrampasang Lacciri', Pangngellakkang Tippaka.’

AMOS 9:8

INakke, Batara Kaminang Tinggia, amparhatikangi anne kakaraenganna Israel dorakaya, siagang laKupa'lanynyaki ke'nanga battu ri buttaya. Mingka jari-jarina Yakub tena nalaKupanraki ngaseng. INakke, Batara, anne akkana.