HAKING-HAKING 9:7 - KITTA' MATANGKASA'

⁷ Nalangngere'na Yotam anjo passalaka, mangemi ammenteng ri cappa'na Moncong Gerizim. Nampa akkio' mange ri yangaseng anjo taua, angkana, “Pilangngeria' ikau ngaseng tuniaka ri Sikhem, sollanna napilangngeri todong Allata'ala.

HAKING-HAKING 9:7 Referans Kwoze

PAOLE 11:29

Punna le'ba' mako Naerang Karaeng Allata'alanu antama' ri pa'rasangang nupammantangngia sallang, anjo barakkaka musti nupaui battu ri Moncong Gerizim siagang anjo pattunraya nupaui battu ri Moncong Ebal (

YOHANES 4:20

Anrinni ri bontoa boe-boena ikambe anynyomba ri Allata'ala, mingka nakana bansaTa anjorenji bawang ri Yerusalem tampa'na taua anynyomba ri Allata'ala.”

PAOLE 27:12

“Punna le'ba'mo nulimbang Binanga Yordan, suku Simeon, Lewi, Yehuda, Isakhar, Yusuf siagang Benyamin, musti ammentengi irate ri Moncong Gerizim ri wattu nipauna kana barakkaka mae ri anne bansaya.

YESAYA 1:15

Punna nupatara limannu appala' doang, tena Kuero' amparhatikangi. TaKujampangiai angkana siapa jaina pappala' doannu, taerokA' ampilangngeri, nasaba' iaminjo limannu jai sikali tau nabuno.

PANGNGEBARANG 28:9

Punna tena numannuruki ri hukkunNa Allata'ala, latakkoa' tongi Allata'ala ri pappala' doannu.

PANGNGEBARANG 21:13

Inai taeroka mappilangngeri ri kunrarenna tau kakuranganga, tena todong nalaniparhatikang punna appala' tulung.

YOSUA 8:33

Sikontu tu Israel, siagang sikamma pamimpinga, komandang-komandang tantaraya, haking-hakinga, kammayatompa bansa maraeng niaka ammantang ri alla'na ke'nanga, massing ammenteng ngasengi ke'nanga ri ba'leang kairi kananna anjo Patti ParjanjianNa Batara, a'dalle mae ri sikamma Imang Lewi ambulekai anjo Patti Parjanjianga. Bage ruana anjo taua a'dalle mangei ri Moncong Gerizim, nampa bage ruana maraenga a'dalle' mangei ri Moncong Ebal. Le'ba'mi naparentakang Musa, anjo atanNa Batara, sollanna nagaukang ke'nanga anjo kammaya punna narapi'mo wattunna ke'nanga untu' antarimai barakka' Napa'janjianga Batara.

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!

PAOLE 11:30

Anjo ruaya moncong niaki ri laukanna Binanga Yordan ri daerana tu Kanaan ammantanga ri Ka'bung Yordan, a'dalle' kalau' tena nabella battu ri poko'-poko' tampa' ibadaya ri More ri ampi'na kota Gilgal.)

HAKING-HAKING 9:6

A'rappungammi sikontu tau ammantanga ri Sikhem siagang Bet-Milo. Nampa a'lampa ke'nanga mange ri poko' terpentin karamaka ri Sikhem. Anjoremmi niangka' Abimelekh ri ke'nanga a'jari karaeng.

HAKING-HAKING 9:8

Nia' se're wattu na'rappungang poko'-pokoka untu' ampilei karaenna. Nakanamo ke'nanga ri poko' zaitun, ‘A'jarimako karaenna ikambe.’

PA'JARIANG 37:6

Iaminne nacaritaya Yusuf ri ke'nanga, “Pilangngeri sai!