HAKING-HAKING 9:45 - KITTA' MATANGKASA'

⁴⁵ A'bundu'mi Abimelekh sikabusu'na alloa, na naalle anjo kotaya, nabunomi tau niaka ilalang, nampa naancuru' anjo kotaya, na kiori ce'la.

HAKING-HAKING 9:45 Referans Kwoze

2 KARAENG-KARAENG 3:25

siagang narumbang kota-kotana ke'nanga. Sikamma koko-koko coppong naoloa ke'nanga nasambilai batu. Kale'bakkanna sikontu kokoa katongkokang kabusu'mi ri batu. Natongko' tommi tu Israel sikontu timbuseng je'neka siagang nata'bammi sikontu poko' kayu rappo-rappoanga. Niaka ammantang tassesa iamintu kota Kir-Hareset mami, ibukotana Moab. Kala'busanna manna anjo kotaya nikurummi siagang nisambilai batu ri sikamma pasambilaya.

PAOLE 29:23

La'jari parang kalotoro' karringi sikamma kokonnu nitongko' ri batu a'rinra siagang ce'la. Takkulleai nulamungi buttana, siagang tea tommi attimbo ruku'-rukuka anjoreng. Lasangkammai kota-kota Sodom siagang Gomora kammayatompa Adma siagang Zeboim anjo pa'rasangannu, iamintu niancuruki ri wattu a'rinra-rinrana larroNa Batara.

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!

ZEFANYA 2:9

Lanri iNakke mattallasaka, Allata'alana bansa Israel, laKubarrasaki sa'genna tangkasa' bansa Moab siagang Amon, sangkamma Sodom siagang Gomora. Anjo pa'rasangang-pa'rasanganga larassi siagang bungung-bungung ce'la kammayatompa loro-loro napattimboia rompo' sa'genna satunggu-tungguna. Sesanna ummakKu ta'lappasaka lanaellaki pandudu'na, siagang lanaallei buttana ke'nanga.”

YEHEZKIEL 47:11

Mingka je'neka ri empanga siagang balanga ri birinna anjo tamparanga tena nala'jari la'ba, passangalinna tuli la'jari pacce'lang.

PAMMUJI 107:34

Butta copponga Napa'jari parang ce'la buttana, lanri kaja'dallanna sikamma pandudu'na.

1 KARAENG-KARAENG 12:25

A'jari karaennamo ri Israel, nakassakkimi Yerobeam kota Sikhem ri daera pa'monconganna Efraim, nampa ammantang anjoreng untu' sinampekang wattu. Nampa a'lampa pole battu anjoreng na nakassakki kota Pnuel.

HAKING-HAKING 9:44

Lalang akkaro-karona Abimelekh siagang pasukanna ambunduki pakke'bu' lompona kotaya, anjo ruaya pasukanna maraenga naondang tommi nampa nabuno tau laria mae ri koko-kokoa.