HAKING-HAKING 9:4 - KITTA' MATANGKASA'

⁴ Nampa assaremi ke'nanga tujupulo doe' pera', naallea battu ri balla' panynyombanga ri Baal-Berit. Iaminjo doeka napake Abimelekh anggaji siapa are jaina tu ja'dala' untu' amminawang ri ia.

HAKING-HAKING 9:4 Referans Kwoze

HAKING-HAKING 8:33

Ri matenamo Gideon, tenamo namajarre' tappa'na tu Israel mae ri Allata'ala. Anynyombami ke'nanga ri rewata-rewata Baal, siagang napare'mi anjo Baal-Berit a'jari rewatana ke'nanga.

LAMPA-LAMPANA 17:5

Mingka assereatimi tu Yahudia. Nakio'mi ke'nanga tau ja'dalaka siagang pasolle' tenaya jama-jamanna, nampa a'rappungang ke'nanga ero' apparicu. Apparicumi ke'nanga ri kota-kotaya; nampa namangei balla'na se'rea tau tappa' niarenga Yason, ero' amboyai Paulus siagang Silas, kaeroki ke'nanga angngerangi Paulus siagang Silas assulu', ri dallekanna tau jaia.

2 PATTOTTORANG 13:7

Appasse'rei sipa'gompoang tau kurangajara' nampa ero' napassakang ero'na mae ri Rehabeam ana' bura'nena Salomo, rungka dudua anjo wattua siagang tenayapa pangalamanna untu' angngewa.

HAKING-HAKING 11:3

Lanri kammana anjo, assisa'la'mi Yefta siagang anjo sikamma sari'battanna. Nampa mange ammantang ri daera Tob. Anjoreng a'rappungammi siagang garombolang ja'dala'. Nampa a'lampa ke'nanga mange anrampo'!

PANGNGEBARANG 12:11

Pamarri anjama terasaka jai kanre-kanreanna, mingka tau ampelakai wattunna untu' anggaukangi apa-apa tenaya matu-matunna, iami dongo'.

AYUB 30:8

Tena arenna ke'nanga siagang tena anggaranna, tau nibongkayamo battu ri pa'rasanganna.

1 SAMUEL 22:2

Kammayatompa sikamma tau nijallakkanga, tau niaka inranna, tenaya nasukku' nasa'ring pa'mai'na, yangasenna ke'nanga a'gabummi siagang Daud, nampa a'jarimo Daud pamimpinna ke'nanga. Ia jaina anjo tau amminawanga ri Daud nia' kira-kira 400 tau jaina.

2 SAMUEL 6:20

Ri wattunna ammotere' Daud mange ri balla' kakaraenganga untu' assarei sallang kaluargana, assuluki Mikhal anruppai Daud na nakana, “Anne alloa ma'nassa napakala'biri' tojeng-tojengi kalenna karaenna tu Israel! Assolaraki sangkamma tau tolo tenaya nangngasseng siri'-siri', ri dallekanna ngaseng ata-ata bainena sikamma pagawena balla' kakaraenganga!”

ZEFANYA 3:4

Na'bi-na'bina tena tanggong jawa'na siagang takkulleai nipatappa'; sikamma imanga narantassi apa le'baka nisa'la' untu' Batara siagang naputara' baleki hukkung-hukkunNa Allata'ala untu' kaparalluang kalenna ke'nanga.

HAKING-HAKING 9:27

A'lampami ke'nanga angngalle rappo anggoro', ri koko-koko anggoroka, nampa napare' je'ne' anggoro'. Nampa appare' ke'nanga passua'-suarrang. Angnganre-nganremi ke'nanga ri tampa' panynyombang rewataya, nasumpa-sumpai tojeng Abimelekh.