HAKING-HAKING 9:33 - KITTA' MATANGKASA'

³³ Ammuko bari'basa' punna ammumbami alloa, pata'bangkami nanubunduki anjo kotaya. Na punna assulu' Gaal siagang taunna ero' angngewako iamintu kasampatang baji mae ri ikau untu' ambunduki'.”

HAKING-HAKING 9:33 Referans Kwoze

1 SAMUEL 10:7

Punna kajariang ngaseng anjo sikammaya, gaukammi apa nukanaya baji', nasaba' niaki Allata'ala anrurungangko.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

1 SAMUEL 25:8

Pakkuta'nangngang mami ri ke'nanga, mattantu napakkontutojenna ke'nanga anjo passalaka. Lanri kammana anjo, kuminasai nanutarima baji' ana' buaku ri balla'nu, lanri battui ikambe ri anne allo lompoa. Sare tongi anne sikamma ata-atannu siagang inakke pole Daud, agang baji'nu, apa-apa mamo situru' nakate'neanga pa'mai'nu.”

KAIMANGNGANG 25:26

Punna tena tau ampasuluki, mingka ri allo ri boko a'jari nia' pakkullena siagang anggannaki doe'na untu' ampasuluki anjo tampaka,

HAKING-HAKING 9:32

Jari paralluko mange accokko ri kokoa punna bangngi siagang taunnu.

HAKING-HAKING 9:34

Jari a'gio'mi Abimelekh siagang taunna ri wattunna bangngi. Nabage appa'mi kalenna ke'nanga accokko ri tammulilina kota Sikhem.