HAKING-HAKING 9:28 - KITTA' MATANGKASA'

²⁸ “Inaiki' anne nakimusti tundu' mae ri Abimelekh?” Nakanamo Gaal, “Inai tau anjo sitojenna? Sai ana'na Gideon, siaganga Zebul a'jari atai mae ri Hemor, manggena Sikhem, boe-boeta!”

HAKING-HAKING 9:28 Referans Kwoze

PA'JARIANG 34:2

Ri wattunna nicini' Dina ri Sikhem, iamintu ana'na Hemor tu Hewi, a'jari karaenga ri anjo daeraya, nalariammi Sikhem anjo tuloloa, nampa napassa nagau' sala.

1 SAMUEL 25:10

Mingka appialimi Nabal angkana, “Daud? Inai tau anjo? Inai anjo ana'na Isai? Tale'bakapa' allangngereki kabara'na! Anne allo-allo beru allaloa, jai ata lari ambokoi pinggawana ri anne pa'rasanganga!

PA'JARIANG 34:6

Battumi Hemor, manggena Sikhem mae ri Yakub, ero' angngagangi a'bicara.

1 KARAENG-KARAENG 12:16

Nacini'na ra'yaka angkanaya tena naero' karaenga ampilangngeri pappala'na ke'nanga, ammarrammi ke'nanga angkana, “Apa paralluna nipaduli Daud siagang turunganna! Tena apa-apa le'ba' nagaukang ke'nanga untu' ikatte. Ikau ra'ya' Israel umba kimmotere'. Lappassammi anjo Rehabeam naurusu' kalenna!” Jari ammotere'mi ra'ya' Israel,

2 SAMUEL 20:1

Ri kota Gilgal nia' sitau apparicu niareng Seba. Anjo taua ana'na Bikri, battu ri suku Benyamin. Ri wattunna battu Daud siagang sikamma tau naaganga a'rurung, appasa'rami tarompe' Seba nampa ammarrang angkana, “Tena passisambunganta siagang Daud. Apa saba'na kilamminawang mae ri ia? He tu Israel, umba kimmotere' ngaseng!”

HAKING-HAKING 9:26

Anjo wattua battumi Gaal, ana'na Ebed, ero' ammantang ri Sikhem siagang sikamma sari'battanna, na nipatappa'mo ke'nanga ri tau niaka ri Sikhem.

PA'JARIANG 33:19

Anjo parang napattampakia ambangung kema, naballi battu ri tu turungang Hemor, manggena Sikhem, naballinna sibilangngang doe' pera'.

HAKING-HAKING 9:41

Le'baki anjo ammotere'mi Abimelekh mae ri Aruma, nampa ammantang anjoreng. Nabongkami Zebul anjo Gaal siagang sikamma sari'battanna assulu' battu ri Sikhem. Sa'genna takkulleami ke'nanga ammantang anjoreng.