HAKING-HAKING 9:2 - KITTA' MATANGKASA'

² “Pakkuta'nangang sai mae ri sikontu tau ammantanga ri Sikhem, kereanga la'bi baji': Niparentaya ri tujupuloa ana'na Gideon, yareka ri se'rea bawang tau? Piu'rangiang tongi ke'nanga angkana nia' ija passisambungang cerakku siagang ke'nanga.”

HAKING-HAKING 9:2 Referans Kwoze

HAKING-HAKING 8:30

Nia' tujupulo ana' bura'nena, lanri jaina bainenna.

PA'JARIANG 29:14

nakanamo Laban, “Kammatojengi, ikau bija ma'reppesekko ri nakke.” Ammantammi Yakub ri anjo ballaka sibulang sallona.

IBRANI 2:14

Nasaba' anjo sikamma tau Nakanaya ana', iamintu tau akkullea mate, napa'jarimi KalenNa Isa sangkamma kalenna ke'nanga, siagang attallasa'mi sangkamma rupataua. Kammami anjo Nagaukanga, sollanna lanri kamateanNa nakkullemo Nabeta sa'genna posso' Billisika, iamintu makoasaya ri kamateanga.

1 PATTOTTORANG 11:1

Sikontu pamimping bansa Israel battui mae ri Daud niaka ri Hebron. Nakana ke'nanga, “Ikambe anne bijanta ngaseng.

EFESUS 5:30

niassengi anjo nasaba' ikatte anggota-anggota tubuNaki' Almasi.)

2 SAMUEL 19:13

Nasuro tommi Daud ke'nanga ampaui mae ri Amasa kammaya anne, “Sai ikau sibijaki'? Appakkaramula kamma-kamma anne kuangkakko a'jari panglima tantaraku ansambeangi Yoab. Poro Nabuno laloa' Allata'ala punna tena nakurupai anjo kanangku!”

HAKING-HAKING 9:5

Nampa mange ri kamponna manggena ri Ofra. Anjoreng nabuno ngasemmi anjo tujupuloa sari'battanna irate ri se'reang batu. Mingka anjo ana' bungkona Gideon, niarenga Yotam, tena namminawang nibuno, lanri accokkoi.

HAKING-HAKING 9:18

Mingka kamma-kamma anne nupassalasai bija pammanakanna manggeku. Nubuno ngasengi ana'na tujupulo sikali irate ri tompo' serea batu. Na Abimelekh ana'na manggeku battu ri baine atana. Mingka nuangka'mi a'jari karaeng ri Sikhem, kalanri nia'na passisambungang cera'na siagang ikau ngaseng.