HAKING-HAKING 8:33 - KITTA' MATANGKASA'

³³ Ri matenamo Gideon, tenamo namajarre' tappa'na tu Israel mae ri Allata'ala. Anynyombami ke'nanga ri rewata-rewata Baal, siagang napare'mi anjo Baal-Berit a'jari rewatana ke'nanga.

HAKING-HAKING 8:33 Referans Kwoze

HAKING-HAKING 9:46

Nalangngere'na tau niaka lalang ri benteng Sikhem anjo kabaraka, antama'mi ke'nanga ri kali'bong rawanganna balla' panynyombang El-Berit untu' accokko.

HAKING-HAKING 9:4

Nampa assaremi ke'nanga tujupulo doe' pera', naallea battu ri balla' panynyombanga ri Baal-Berit. Iaminjo doeka napake Abimelekh anggaji siapa are jaina tu ja'dala' untu' amminawang ri ia.

HAKING-HAKING 2:19

Mingka punna matemo anjo pamimpinga, a'jari la'bi kodimi panggaukanna ke'nanga natau jammang rioloangannaya. Napare' atami kalenna mae ri rewata-rewata maraenganga, siagang anynyombai ke'nanga mae ri anjo rewata-rewataya. Ammotereki ke'nanga mae ri kabiasang-kabiasang ja'dala'na ke'nanga, na taerokai ke'nanga ampinrai anjo gau'na.

HAKING-HAKING 8:27

Iaminjo bulaenga napare' Gideon se're patung barhala. Nampa naboli' ri kamponna iamintu Ofra. Sikontu tu Israelka mange ngasemmi anjoreng anynyomba ri anjo patung barhalaya. Sa'genna tenamo najampangi Allata'ala, Batarana ke'nanga. Na iaminjo a'jari sanrapang sikko' mange ri Gideon siagang sikontu bija-bijanna.

HAKING-HAKING 2:17

Mingka tena najampangi ke'nanga anjo pamimpinga. Anynyombai ke'nanga mae ri rewata-rewata maraenganga, siagang tena namajarre' ke'nanga mae ri Batara. Tena naturuki boe-boena ke'nanga, ia mannurukia ri sikamma parentaNa Batara.

YEREMIA 3:9

siagang tena sikali siri'-siri'na. A'gau' bawangi lanri anynyombai ri batua siagang poko'-poko' kayua, sa'genna a'jari rantasa' anne pa'rasanganga.

2 KARAENG-KARAENG 12:2

Lanri pangngajara'na Yoyada, Yoas lalang sikontu tallasa'na nagaukangi apa appakasannanga ri pa'mai'Na Batara.

HAKING-HAKING 9:27

A'lampami ke'nanga angngalle rappo anggoro', ri koko-koko anggoroka, nampa napare' je'ne' anggoro'. Nampa appare' ke'nanga passua'-suarrang. Angnganre-nganremi ke'nanga ri tampa' panynyombang rewataya, nasumpa-sumpai tojeng Abimelekh.

YOSUA 24:31

Lalang attallasa'na Yosua, anynyombai umma' Israel mae ri Batara. Kammayatompa ri wattunna matemo, tuli manynyombana ke'nanga mae ri Batara lalang nia'na ija ri alla'na ke'nanga sikamma pamimping le'baka anciniki kalenna sikontu apa le'baka Nagaukang Batara untu' umma' Israel.

HAKING-HAKING 8:32

Ri wattu toa dudunamo umuru'na nampami mate Gideon. Anjorengi ri jera'na Yoas, iamintu jera'na manggena, nitarawang. Anjo jeraka anjorengi ri Ofra tampa'na, iamintu ri kotana tu Abiezer.

YEREMIA 23:27

Nipikkiriki ke'nanga angkanaya lanri anjo so'na-so'na nacaritaya, nakkullemo takkaluppa ummakKu mae ri Nakke sangkamma batena boe-boena ke'nanga takkaluppa ri Nakke nampa anynyomba ri Rewata Baal.

HAKING-HAKING 3:7

Dorakami umma' Israel mae ri Batara, Allata'alana ke'nanga. Takkaluppami ke'nanga mae ri Ia, sa'genna anynyombami ke'nanga mae ri berhala-berhala Baal siagang Asyera.

HAKING-HAKING 10:6

Dorakami pole umma' Israel mae ri Batara. Tenamo namangngu'rangi ke'nanga ri Batara, siagang tenamo nanynyomba mae ri Ia. Rewata-rewata Baal siagang Asytoret a'giling nasomba ke'nanga. Kammayatompa rewata-rewata bansa Siria, Sidon, Moab, Amon siagang Filistin, yangasemminjo nasomba ke'nanga.