HAKING-HAKING 7:17 - KITTA' MATANGKASA'

¹⁷ Nakanamo Gideon ri ke'nanga, “Punna battua' ri pa'baeng-baenna tampa' kemana tu Midianga parhatikang baji'-bajika'. Nampa nugaukang todong apa kugaukanga.

HAKING-HAKING 7:17 Referans Kwoze

1 KORINTUS 11:1

Iaminjo conto battu ri nakke mae ri kau. Mingka inakke conto battu tonji ri Almasi kupinawang.

1 PETRUS 5:3

Teako a'jari kammai tau koasa mae ri ke'nanga, nipappirannuanga mae ri kau. Mingka a'jariko conto baji' mae ri ke'nanga.

IBRANI 13:7

Teako kaluppai sikamma pamimpinnu, ampabattuai pappasanNa Allata'ala mae ri kau. Parhatikangi antekamma batena attallasa' siagang antekamma batena mate ke'nanga, kammayatompa contoimi katappakkanna ke'nanga.

MATIUS 16:24

Nampa Nakana Isa mae ri ana'-ana' gurunNa, “Tau eroka amminawang ri Nakke takkulleai tanapariboko kaparalluang kalenna, nanapisang salli'na, nampa amminawang tuli ri Nakke.

HAKING-HAKING 9:48

Jari a'lampami Abimelekh siagang taunna, nai' ri Moncong Zalmon. Nampa ammolong tangke-tangke kayu siagang pangkulu'. Massing nasompomi ke'nanga anjo tangke-tangke kayua, na nasuro todong taunna akkaro-karo anggaukangi apa nagaukanga.

HAKING-HAKING 7:16

Nampa nabage tallu Gideon anjo tallum bilangnganga taunna, a'jari tallu regu. Tase're-se're tau massing nisarei tarompe', siagang se're pammantangang sulo.

HAKING-HAKING 7:18

Punna kutui' tarompekku siagang natui' ngaseng tarompe'na tau niaka ri reguku, musti nutui' ngaseng tongi tarompe'nu nampa musti ammarrang ngasengko ri tammulilina anjo kemaya, angkana, ‘Untu' Batara siagang untu' Gideon!’ ”