HAKING-HAKING 6:4 - KITTA' MATANGKASA'

⁴ Appareki kema ke'nanga ri daerana Israel na napanraki ngaseng sikontu lamung-lamunga appakkaramula ri anjo daeraya sa'genna ri timboranna Gaza. Kammayatompa olo'-olo'na tu Israel kammaya gimbala', sapi, siagang keledai nalariang ngaseng ke'nanga. Sa'genna manna apa-apa lanakanrea tu Israel tena sikalimo.

HAKING-HAKING 6:4 Referans Kwoze

KAIMANGNGANG 26:16

laKuhukkungko. LappabattuA' bala mae ri kau, garring siagang rammusu' tenaya nakkulle niballei sa'gennu a'jari buta siagang ta'ronang-ronang tallasa'nu. La'lamung-lamungko mingka tena nanugappai wassele'na, nasaba' labattui musu-musunnu ambetako siagang ampaccappuki sikamma apa-apa nulamunga.

PAOLE 28:51

Lanapaccappuki ke'nanga olo'-olo' piaranu siagang kattoannu. Battu ri gandung, je'ne' anggoro', minynya' zaitun, sapi, bembe, sa'genna gimbala'nu tena manna sike'de' lanabolikangko, sa'gennu mate naalle cipuru'.

MIKHA 6:15

Lappakiorokko gandung, mingka takkulleai lanugappa wassele'na. Lapparekko minynya' battu ri rappo zaitun, mingka takkulleai nupake minynya'na. Lammaccokko je'ne' anggoro', mingka talanuinungai je'ne'na.

PAOLE 28:33

Lanaalle ngasengi bansa maraeng sikontu wassele' nugappaya lanri anjama terasa'nu, nampa ikau tena apa-apa nugappa pantaranganna nijallakkanga situlusu'na siagang panggaukang nikapallakkia.

PANGNGEBARANG 28:3

Pamarenta anjallakkangai tu kasi-asia, sanrapangi bosi sarro ammanrakia kattoang.

PA'JARIANG 13:10

Nacinikimi Lot anjo daeraya na nacini'mo angkanaya sikontu Lappara'na Yordan sa'genna mange ri kota Zoar jai je'ne'na, sangkamma kokona Batara, yareka sangkamma butta Mesir. (Kammaminjo kaadaanna ri wattu tenanapa niancuruki kota-kota Sodom siagang Gomora ri Batara.)

PA'JARIANG 10:19

sa'genna luara'na pa'rasanganna ke'nanga iamintu appakkaramula pa'bambaeng-baenna battu ri Sidon a'lampa timboro' sa'genna Gerar, sa'genna ri ampi'na Gaza, siagang a'lampa anrai' mange ri Sodom, Gomora, Adma, siagang Zeboim, sa'genna ri ampi'na Lasa.

OBAJA 1:5

Palukkaka yareka paella' battua ri wattu bangngi, poro nakaerokia bawang naalle. Tau angngattilika anggoro' ri kokoa, tuli nia' nasesa piram batu are. Mingka ikau lanibarrasakko ri musu-musunnu sa'gennu cappu'.

HAKING-HAKING 6:3

La'biangampa anjo pole sitabang a'lamung-lamung tu Israel pamarria battumi tu Midian siagang tu Amalek, kammayatompa tu maraengannaya battu ri parang kassika ambunduki tu Israel.

YEREMIA 5:17

Lanapaccappuki ke'nanga wassele' buttanu siagang kanre-kanreannu kammayatompa nabunoi ana'-ana'nu. Lanasamballei ke'nanga olo'-olo' sapinu siagang gimbala'nu, siagang lapanraki ngasengi poko'-poko' anggoro'nu siagang poko'-poko' aranu. Lanaancuruki ke'nanga kota-kota ammakea tembo' pattahangngang ia nupattoanga.