HAKING-HAKING 6:35 - KITTA' MATANGKASA'

³⁵ Nia' tommo tau nasuro mae ri suku Asyer, Zebulon, Naftali, siagang suku Manasye, ia niaka ri bageang rayanganna yareka ri laukanna binangaya, sollanna a'rappungang ke'nanga siagang ia. Na battu ngasemmo ke'nanga untu' ambantui Gideon.

HAKING-HAKING 6:35 Referans Kwoze

HAKING-HAKING 4:6

Ri se'reang allo, nasuro kio'mi tu niarenga Barak, ana'naya Abinoam, battua ri kota Kedes, ri daera Naftali. Nampa nakanamo ri Barak, “Iaminne parentaNa Batara, Allata'alana tu Israel mae ri kau: ‘Passe'rei 10.000 jaina tu bura'ne battua ri suku Naftali siagang suku Zebulon. Nampa nuerang ke'nanga mange ri Moncong Tabor.

HAKING-HAKING 4:10

Anjo wattua nia' 10.000 tau amminawang ri Barak siagang Debora.

HAKING-HAKING 7:3

Jari, pauammi taunnu angkanaya, ‘Inai-nai nabattui malla', musti akkaro-karoi nabokoi anne Moncong Gilead nammotere' mange ri balla'na.’ ” Jari nia' 22.000 tau ammotere'. Ia ammantanga nia' mamo 10.000 tau.

HAKING-HAKING 7:23

Nikio' tommi suku Naftali, Asyer siagang suku Manasye niaka irayanganna siagang ilaukanna Binanga Yordan. Nampa angngondang tommo ke'nanga ri tantara Midian.