HAKING-HAKING 5:22 - KITTA' MATANGKASA'

²² Gassingi larinu ikau jarang nibaea ri taunna.

HAKING-HAKING 5:22 Referans Kwoze

MIKHA 4:13

Nakana Batara, “He pandudu'na Yerusalem, a'lampamako mange angngonjo'-onjokangi musunnu! LaKupakagassingko rapang sapi attanru' bassia siagang akkanuku tambagaya. Lanuancuruki jaia bansa, siagang kakalumanynyangngang wassele' narampasaka ke'nanga lanupassareangi mae ri Nakke, Batarana sikontu linoa.”

YEREMIA 47:4

Narapi'mi wattunna bansa Filistin nipanraki kabusu', sa'genna tenamo nanggappa bantuang Tirus siagang Sidon. INakke, Batara, ampanraki kabusuki sikontu tu Filistin niaka tassesa battu ri Kreta.

YESAYA 5:28

Ciduki ana' panana na sadiamo anrong panana ero' appabuccu'. Kanuku jaranna kamma batu pepe' terasa'na, siagang roda karetana tapputaraki rapang anging puttusu'.

PAMMUJI 33:17

Takkulleai jaranga nipattoang untu' ammeta, takkulleai appasalama' kagassingang lompona.

PAMMUJI 20:7

Anne kamma kuassemmi angkana Batara assarei pammetang mae ri karaeng nipileNa. Nipiali ri Batara battu ri suruga matangkasa'na; lanri koasaNa Batara, nanggappa pammetang lompo.

AYUB 39:19

He Ayub, ikauka assarei buku magassing jaranga siagang bosanna a'rombenga ri kacikoro'na?

YEREMIA 8:16

Nia'mi musua ri kota Dan; kalangngerammi sa'ra jaranna ke'nanga, na sikontu bonena pa'rasanganga a'jari malla' ngasemmi. Battumi musua untu' angngancuruki sikontu pa'rasanganta, kammayatompa sikontu kota-kotata siagang sikontu pandudu'na.”

YEREMIA 47:3

Lallangngereki ke'nanga sa'ra bangkeng jarang, sa'ra reku'na karetaya, siagang a'galutturu'na roda-rodana. Tau toaya la'jari lammai, natenamo nanawa-nawai ana'na.

YEHEZKIEL 27:14

Nupassambei barang-barannu siagang jarang kareta, jarang dongkokang siagang keledai battu ri Bet-Togarma.