HAKING-HAKING 5:2 - KITTA' MATANGKASA'

² Pujimi Batara pahlawang-pahlawanna tu Israel, nasaba' assumanga'mi untu' barjuang, na rellamo ra'yaka mange a'bundu'.

HAKING-HAKING 5:2 Referans Kwoze

HAKING-HAKING 5:9

Ri sikamma panglimana Israel, ia arrellakangai kalenna, kuparapiki pappakala'birikku sitojeng-tojennaya. Pujimi Batara!

PAMMUJI 110:3

Ri allo battunu siagang koasa, ri bulu' matangkasa' ra'ya'nu maju siagang pa'mai' rella. Sanrapang saliu' ri bari'basaka, sikamma tau rungkaya battu mae ri kau.

2 PATTOTTORANG 17:16

Tau makatallua iamintu niarenga Amasia ana'na Zikhri; nia' 200.000 tantara napimping. (Amasia iamintu se're tau le'baka anrellakangi kalenna untu' ampa'jari atai kalenna mae ri Batara.)

FILIPI 2:13

nasaba' KalenNa Allata'ala anjama lalang ri kalennu, sa'gennu ero' siagang akkulle ampakarannui pa'mai'Na Allata'ala.

PAPPICINI' 19:2

Adeleki siagang annabai pangngadelanNa! Napabattumi hukkunganNa mae ri pasundala' lompoa, ampanrakiai linoa siagang gau' bawanna. Le'ba'mi Nahukkung Allata'ala anjo pasundalaka, lanri nabunona sikamma ata-atanNa Allata'ala.”

PAPPICINI' 18:20

He, surugaya, a'rannu-rannuko lanri posso'na anjo kotaya. He, Umma'Na Allata'ala, suro-suroa, siagang na'bi-na'bia ma'rannu-rannuko! Nasaba' nihukkummi ri Allata'ala anjo kotaya, a'jari pa'balasa' mae ri apa-apa le'baka nagaukang mae ri kau ngaseng!

FILEMON 1:14

Mingka tena kuero' anggaukangi anjo kammaya punna tenapa nanusitujui rolong. La'bi kungaiangangi punna kalennu todong rella anggaukangi anjo kammaya; tena nakuero' ampassako.

2 KORINTUS 9:7

Parallui taua massing assare siagang te'ne pa'mai'na. Teako assarei siagang bata-bata yareka battala' pa'mai'. Nasaba' nikarimangngi ri Allata'ala tau te'nea pa'mai'na assare.

2 KORINTUS 8:12

Punna rellako assare, ma'nassa laNatarimai Allata'ala anjo passarenu. Lanatarimai situru' pakkullenu, tena nasituru' apa tenaya ri kau.

1 KORINTUS 9:17

Ebara' angkana battu ri ero' kalengku nakugaukang anjo jama-jamanga, akkulle memanga' attayang gaji. Mingka iaji nakubirittakang anjo Kabara' Bajika lanri nisuro memang tonga'. Allata'ala assarea' tugasa' anggaukangi anjo jamanga.

PAMMUJI 136:15

Mingka karaeng Mesir siagang tantarana natallangngangi; pangngamaseanNa sa'genna satunggu-tungguna.

PAMMUJI 97:8

Sannangi pa'mai'na pandudu'na Sion siagang kota-kota Yehuda ri wattu nalangngere'na kaputusanNa Batara.

PAMMUJI 94:1

O, Allata'ala, IKatte Allata'ala assarea pa'balasa', Kipappicinikang laloi pa'balasatTa, o, Batara.

PAMMUJI 48:11

Masahoroki arenTa siagang nipuji ri sikontu linoa, ammarentaKi' siagang adele'.

PAMMUJI 18:47

Batara mattallasaki! Nipujimi mappatojengku! Mala'biriki kalompoanNa Allata'ala mappasalamakku!

NEHEMIA 11:2

Battu ri sikamma ke'nanga nia'mo rella kalenna untu' ammantang tuli ri Yerusalem, na nipujimo ke'nanga ri ra'yaka.

PAOLE 32:43

Makkio' rannuko lanri umma'Na Batara, e, sikamma bansaya, nasaba' Nahukkungi sikontu tau ambunoai ke'nanga. A'balasaki mae ri musunNa mingka Napammopporangi dosana bansaNa.”

PAOLE 33:21

Naallei butta kaminang bajika untu' nakammai, bageanna pimpinanga nipassareang mae ri ke'nanga. Naturuki hukkunNa Batara, kammayatompa sikontu parentaNa, ri wattunna sirapakkang sikontu pamimpinna Israel.”

PAMMUJI 103:2

Pujimi Batara, he nyawaku, teako kaluppai sikontu kabajikanNa!