HAKING-HAKING 5:1 - KITTA' MATANGKASA'

¹ Anjo alloa akkelong-kelommi Debora siagang Barak ana'naya Abinoam. Kammaminne kelong-kelonna:

HAKING-HAKING 5:1 Referans Kwoze

KALAPPASSANG 15:1

Nampa nakelongammo Musa siagang tu Israel anne kelonga untu' mammuji mae ri Batara, “Eroka' mammuji mae ri Batara, saba' le'ba'mi ammeta lompo. Sikontu jaranga siagang tu'baena nipasambilai antama' ri tamparang.

PAMMUJI 18:1

Untu' pamimping pakelong. Kelong Pammujina Daud, atanNa Batara. Nakelongangi ri Batara ri wattunna nilappassang Daud battu ri Saul siagang battu ri musu-musunna.

LUKAS 1:46

Nakanamo Maria, “Mammuji atingku ri Batara,

YESAYA 26:1

Anjo wattua lanakelongangi taua anne kelonga ri butta Yehuda: “Tamaka kassa'na kotata; KalenNa Allata'ala ambangungi pattahanganNa, anrinni lasalamakki'.

YESAYA 25:1

Batara, iKatte Allata'alaku, kupakala'birikKi' siagang kupuji arenTa. Saba' sikamma bate pa'jariTa tamaka appakalannasa'na; le'ba' Kirancana memangi battu riolo, naKimmajarre' anggaukangi.

AYUB 38:7

ri wattu akkelong sikamma bintoeng bari'basaka siagang akkio' rannu sikamma apa attallasaka ri suruga?

2 PATTOTTORANG 20:27

Nampa napimping Yosafat sikontu pasukanga ammotere' mange ri Yerusalem. Rannui nyawana ke'nanga lanri Nabetanamo Batara musunna ke'nanga.

2 PATTOTTORANG 20:21

Le'baki sipa'bicara siagang ra'yaka, nasuromi karaenga ampakei pakeanna sikamma pakelonga, iamintu pakeang biasaya napake ke'nanga ri upacara-upacara matangkasaka lalang ri agamaya. Anjo pakelonga musti a'barrisiki ri dallekanna barisanna tantaraya nampa akkelong suara' angkana, “Puji Batara! Mangngamaseangi satunggu-tungguna!”

1 SAMUEL 2:1

Nampa appala' doang Hana, angkana, “Napakarannui Batara atingku; gau'Na napakasannangi nyawaku. Mate'nei kusa'ring ancau-caui musungku, nasaba' le'ba' tojeng-tojengku Natulung Allata'ala.

PAMMILANGNGANG 21:17

Anjo wattua nakelongangi tu Israel anne kelong kammaya, “He, bungung-bungunga, panaiki je'ne'nu, laniruppai ri kambe siagang kelong.

KALAPPASSANG 15:21

Akkelommi Miryam, nirurungang ri rabana; na nakana kelong-kelonna, “Akkelongko mae ri Batara, saba' le'ba'mi ammeta lompo. Sikontu jaranga siagang tu'baena nipasambila ngaseng antama' ri tamparang.”

HAKING-HAKING 4:24

Pila' nijallakkammi anjo karaenga, sa'genna kala'busanna lanynya'mi.

AYUB 36:24

Ia tuli nipuji lanri bate pare'Na, na ikau pole siratang tongi nupakalompo.

PAMMUJI 32:7

IKattemi tampa' paccokkoangku, Kilappassanga' battu ri kasukkaranga. Nakuakkio'mo napakamma rannu, saba' le'ba'ma' Kipasalama'.

HAKING-HAKING 4:4

Anjo wattua a'jari pamimpinga ri Israel, iamintu sitau na'bi baine niarenga Debora, bainenna Lapidot.

2 SAMUEL 22:1

Le'ba'namo nipasalama' Daud ri Batara battu ri Saul siagang sikontu musunna maraenga, nakelongammi Daud anne lagu kammaya mae ri Batara: