Biblia Todo Logo
Bib sou entènèt

- Piblisite -




HAKING-HAKING 4:16 - KITTA' MATANGKASA'

16 Naondammi Barak anjo kareta-kareta bunduka siagang tantara musua sa'genna mange ri Haroset-Hagoyim. Nampa nabuno ngaseng sikontu tantarana Sisera. Tena manna sitau nalappasang attallasa'.

Gade chapit la Kopi




HAKING-HAKING 4:16
13 Referans Kwoze  

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!


Dorakai bansa-bansa maraenga, mingka tanaassengai hukkung agamana tu Yahudia. Jari nihukkungi ke'nanga ri pantaranganna anjo hukkung-hukkung agama Yahudia. Mingka dorakai tu Yahudia ri wattu naassennamo anjo hukkung-hukkunga; jari lanihukkungi ke'nanga situru' anjo hukkung-hukkunga.


Nasuroi tantaraya siagang sikamma perwirana a'bundu', na maju ke'nanga siagang kareta nirenreng ri jarang. Mingka tu'guruki ke'nanga, takkuleami ambangung poleang, matemi ke'nanga rapang sulo mateamo rinrana.


Boli'mi kamma lanynya' battu ri lino tau dorakaya, boli'mi kamma cappu' posso' tau ja'dalaka. Pujimi Batara, he nyawaku! Pujimi Batara!


Kammayatompa Asyur asse're tommi ke'nanga, a'jari mata-matana turunganna Lot.


Nanisaremo pammetang tu Israel ri Batara. Nabundukimi tu Israel siagang naondammi ke'nanga sa'genna Misrefot-Maim siagang Sidon bellana pawara'na, siagang sa'genna mange ri Ka'bung Mizpa patimboro'na. Tulusu' heba'na anjo pa'bundukanga sa'genna tena manna sitau musu ammantang tassesa, yangasenna mate kabusuki.


Ammotereki je'ne' tamparanga siagang natongko'mi naung sikamma karetaya, sikamma tau niaka andongkoki, kammayatompa sikontu tantara Mesir niaka angngondangi tu Israel antama' ri tangngana tamparanga, sa'genna mate kabusu'mo ke'nanga.


Jari nibalang parekkammi ke'nanga ri Batara, na nibeta ri Yabin, iamintu karaeng Kanaan, ammantanga ri kota Hazor. Ia panglimana ke'nanga niarengi Sisera, ammantanga ri Haroset-Hagoyim.


Na sitabanna anjo larimi Sisera mange ri kemana Yael, iamintu bainenna Heber, anjo tu Kenia. Nasaba' anjo Karaeng Yabin battu ri Hazor, agangi siagang bija-bijanna Heber.


Nipa'jari lingumi ri Batara anjo tu Amoria ri wattunna nacini' ke'nanga tantara Israel. Jai tu Amori nibuno ri Gibeon, siagang anjo attallasaka ija niondangi naung ri pungku'na monconga ri Bet-Horon sa'genna mange ri Azeka siagang Makeda bellana patimboro'na.


Gau' kammami ke'nanga tu Midian, sangkamma Sisera siagang Yabin ri Binanga Kisyon,


Swiv nou:

Piblisite


Piblisite