HAKING-HAKING 4:15 - KITTA' MATANGKASA'

¹⁵ Nampa nabunduki Sisera. Na nipa'jari kacomo ri Batara anjo tantarana Sisera siagang kareta-kareta bundu'na. Sa'genna naummi Sisera battu ri kareta bundu'na, nampa lari a'jappa bangkeng.

HAKING-HAKING 4:15 Referans Kwoze

YOSUA 10:10

Nipa'jari lingumi ri Batara anjo tu Amoria ri wattunna nacini' ke'nanga tantara Israel. Jai tu Amori nibuno ri Gibeon, siagang anjo attallasaka ija niondangi naung ri pungku'na monconga ri Bet-Horon sa'genna mange ri Azeka siagang Makeda bellana patimboro'na.

IBRANI 11:32

Jari, akkullei jai pole lakubicara, mingka tagannakkai wattungku. Nasaba' tenapa nakurapiki kupau Gideon, Barak, Simson, Yefta, Daud, Samuel, siagang na'bi-na'bia.

2 KARAENG-KARAENG 7:6

Nasaba', nia'mo Napappilangngerang Batara mae ri ke'nanga sangkamma sa'ra gamarrung pasukang lompo a'jarang siagang angngerang kareta maju ero' ambunduki ke'nanga. Nakapangi tu Siria angkanaya le'baki karaeng Israel ambayaraki karaeng Het siagang Mesir kammayatompa tantarana untu' ambunduki ke'nanga.

PAOLE 7:23

Kammaminjo bateNa Karaeng Allata'alanu lampassareangi musu-musunnu mae ri kau. LaNapasimbung-simbungi ke'nanga sa'genna ancuru' ke'nanga.

1 SAMUEL 7:10

Ri wattunna sitabang napassareang anjo koro'bang nitunua, appakkaramulami tu Filistin battu ambunduki tu Israel. Mingka sitabang le'baki anjo wattua a'gunturu'mi Batara battu ri langika mae ri ke'nanga. A'jari siricuimi ke'nanga nampa piti lari-lari napakamma lingu.