HAKING-HAKING 3:27 - KITTA' MATANGKASA'

²⁷ Battuna mange ri daera monconga ri Efraim, akkaro-karomi angngalle tarompe' nampa napasa'ra untu' angkioki tu Israelka mange a'bundu'. Nabattumo ke'nanga nampa napimping anjo ke'nanga naung battu ri daera monconga.

HAKING-HAKING 3:27 Referans Kwoze

1 SAMUEL 13:3

Nampa Yonatan nabunomi panglimana tu Filistin niaka ri Geba, na nalangngere'mo bansa Filistin kabara'na anjo. Nasuro pasa'rami Saul tarompeka ri sikontu pa'rasangang untu' angkioki tu Ibrania sollanna maju mange a'bundu'.

HAKING-HAKING 6:34

Mingka nipimpingi Gideon ri RohNa Batara. Na natui'mo tarompeka angkioki tu Abiezer sollanna battu a'rappungang siagang ia.

2 KARAENG-KARAENG 9:13

Akkaro-karomi agang-aganna Yehu ansungkei jubana ke'nanga nampa napaka'rang ri tukaka ri dallekanna Yehu. Nampa appasa'ra ke'nanga tarompe' siagang a'gora angkana, “Yehu a'jari karaeng!”

2 SAMUEL 20:22

Nampa a'lampa siagang appare' akkala' baji' untu' ampabattui ero'na mae ri pandudu'na anjo kotaya. Le'baki anjo nisamballemi nanialle ulunna Seba nampa nipasambila mae ri Yoab. Nampa napasa'ra tarompe'na Yoab sa'genna nabokoimo ana' buana anjo kotaya nampa ammotere' mae ri massing balla'na. Kammayatompa Yoab ammotere' tommi mange ri Yerusalem andallekang ri karaenga.

HAKING-HAKING 19:1

Ri wattu tenanapa karaenna tu Israel, nia' se're tu Lewi ammantang ri padalamang, ri daera pa'bulukanna Efraim. Angngallei sitau baine piara battu ri Betlehem Yehuda.

HAKING-HAKING 17:1

Nia' sitau bura'ne niarenga Mikha. Anjorengi ammantang ri bulu'na Efraim.

HAKING-HAKING 7:24

Kammayatompa akkiring tommi kabara' mange ri sikontu daera monconna Efraim, angkana, “Naung ngaseng mako mae ambunduki tu Midian. Jagai Binanga Yordan siagang yangasenna kaloroka sa'genna Bet-Bara bellana. Teako lappassangi tu Midian a'limbang anjoreng.” Jari nipagio' tommi tu Efraim. Nampa najagai ke'nanga Binanga Yordan siagang sikontu kaloroka sa'genna mae ri Bet-Bara bellana.

HAKING-HAKING 5:14

Battu ri Efraim a'jappa ke'nanga nanaung parang lappara' amminawang ri tantara Benyamin a'barrisika ri dallekanna ke'nanga. Nia'mi sikamma panglimana, battu ri Makhir nammentemmo sikamma perwiraya battu ri Zebulon.

YOSUA 17:18

Allemi daera pa'monconganga, nasaba' manna naromang ija anjo daeraya, mingka akkullei nusungke anjo daeraya nampa nupisakai ngaseng. Nampa ri passala'na anjo tu Kanaan, akkullei nubongka ke'nanga, manna pole nakassa' ke'nanga siagang jai kareta bassi pa'bundukanna.”

YOSUA 17:15

Appialimi Yosua angkana, “Lanri jai dudunu, siagang lanri seppa' duduna daera pa'moncongang Efraim untu' ikau, a'lampamako mange ri daerana tu Feris siagang Refaim. Anynyungke mako tampa'-tampa' beru ri romang-romanna anjo ke'nanga.”

HAKING-HAKING 3:26

Lalang attayanna ija ke'nanga sumpaeng, anjo wattua larimi Ehud alallo anjoreng ri batu-batu niukirika.

HAKING-HAKING 10:1

Ri matenamo Abimelekh, tu niarenga Tola, ana'na Pua, a'jari pamimping untu' allappassangi tu Israelka. Cucunnai Dodo, battu ri suku Isakhar. Anjorengi ri Samir, ri daera monconna Efraim ammantang.

NEHEMIA 4:14

Kucini'na angkana mallaki ra'yaka, kukanamo ri ke'nanga siagang ri tutoa-toana kammayatompa sikamma pamimpinna ke'nanga, “Teako mallaki ri musua! Angngu'rangiko mae ri Batara makassaka siagang sannaka heba'na, siagang barjuangko untu' sikamma sari'battannu, ana'-ana'nu, bainennu kammayatompa balla'nu.”