HAKING-HAKING 3:11 - KITTA' MATANGKASA'

¹¹ Na' jari amammo anjo pa'rasanganga patampulo taung sallona. Nampa matemo Otniel.

HAKING-HAKING 3:11 Referans Kwoze

HAKING-HAKING 8:28

Takkuleami ampanggaukang tu Midian. Nibetami ke'nanga ri tu Israelka. Jari amammi anjo pa'rasanganga sa'genna patampulo taung sallona, lalang tallasa'na ija Gideon.

HAKING-HAKING 5:31

Poro mate ngasengi musu-musunTa, o Batara, kamma matena Sisera, mingka sikontu sahabatTa poro a'jari pore ngasengi sanrapang alloa ri langika! Le'baki anjo amammi anjo pa'rasanganga patampulo taung sallona.

HAKING-HAKING 3:30

Anjo alloa nibetami tu Moab ri tu Israelka. Naamammo anjo pa'rasanganga sagantujupulo taung sallona.

YOSUA 11:23

Sikontu anjo pa'rasanganga naallei Yosua situru' parentaNa Batara mae ri Musa, nampa nipassareang mae ri bansa Israel untu' napatang ke'nanga. Nibage-bagei anjo pa'rasanganga, na massing-massing sukua anggappai tasse're bageang. Ammarimi bansa Israel a'bundu' siagang amammi nasalewang pa'rasanganna.

ESTER 9:22

Nasaba' ri wattu iaminjo alloa nanabeta musu-musunna ke'nanga, sa'genna anjo si'nana siagang paccena ke'nanga amminrami a'jari karannuang siagang kasungguang. Lanri kammanami anjo namusti napakalompo ke'nanga anjo allo-alloa, iamintu assua'-suara', appare' parjamuang, kammayatompa massing sisarei ke'nanga kanre-kanreang siagang assarei ke'nanga passidakka ri tu kasi-asia.

1 PATTOTTORANG 4:13

Kenas nia' rua ana'na bura'ne iamintu niarenga: Otniel siagang Seraya. Otniel nia' todong rua ana'na bura'ne, iamintu: Hatat siagang Meonotai.

HAKING-HAKING 3:9

Jari akkio'mi umma' Israel appala' tulung ri Batara. Na Napassareammo Batara sitau niarenga Otniel untu' allappassangi ke'nanga (Otniel ana'nai Kenas andi'naya Kaleb).

YOSUA 15:17

Nampa Otniel, iamintu ana'na sari'battanna Kaleb niarenga Kenas, angngallei anjo kotaya; Jari napassareammi Kaleb ana'na iamintu Akhsa, a'jari bainenna Otniel.

HAKING-HAKING 3:10

Anjo Otniel nipimpingi ri RohNa Batara sa'genna a'jarimo pamimping mae ri umma' Israel. A'lampami mange a'bundu'. Na nisaremo pakkulle sa'genna nabeta anjo karaeng battua ri Mesopotamia.

HAKING-HAKING 3:12

Dorakami pole umma' Israel mae ri Batara. Sa'genna Napa'jari la'bi kassakangammo Batara karaeng battu ri Moab niarenga Eglon. La'bi kassakangammi na umma' Israel.

NEHEMIA 9:28

Mingka ri wattu amang ammotere' pa'rasanganna, linta'mi doraka ke'nanga ammotere'. Jari Kipassareammi pole ke'nanga mae ri musu anjallakkangai. Mingka ri wattu angngu'rangi siagang sanna' assesse' lalanna, akkio'mi ri Katte appala' nipasalama'. Jari mappilangngeriKi' battu ri suruga, naKitulung ma'mole-mole, lanri mangngamaseanTa siagang Kisayanna ke'nanga.