HAKING-HAKING 21:4 - KITTA' MATANGKASA'

⁴ Ammukona, bari'basa' dudu, appaentemmi umma' Israel se're tampa' pakkoro'bangngang anjoreng, nampa assare koro'bang ke'nanga mae ri Batara iamintu koro'bang nitunu siagang koro'bang passiamakkang.

HAKING-HAKING 21:4 Referans Kwoze

2 SAMUEL 24:25

Le'baki anjo ambangummi Daud tampa' pakkoro'bangngang untu' Batara anjoreng, siagang assaremi koro'bang nitunu kammayatompa koro'bang passiamakkang. Niturukiammi pappala' doanna Daud ri Batara, nampa ammarimo anjo garringa ri Israel.

IBRANI 13:10

Ikatte nia' tampa' pakkorobangnganta untu' assare koro'bang mae ri Allata'ala. Na anjo imang-imang allayania lalang ri KemaNa Batara, tena ha'na angkanrei anjo koro'bang niaka irate ri anjo tampa' koro'banga.

HOSEA 5:15

LaKubokoi ummakKu sa'genna sukku'mo pa'risi'na ke'nanga lanri dosa-dosana, nampa battu ke'nanga amboyA'. Nakulle kapang lalang ri kapa'risanna ke'nanga nalappattujuammo amboyA'.”

1 KARAENG-KARAENG 8:64

Ia memang anjo alloa naresmikang tommi Salomo bageang ri tangngana paranglakkeng niaka ri dallekanna anjo Balla'Na Batara. Nampa ri anjo paranglakkenga assaremi koro'bang nitunu, koro'bang gandung, siagang jannana olo'-oloka untu' koro'bang pappasiamakkang. Yangasenna anjo napassareangi anjoreng lanri ca'di dudui tampa' pakkoro'bangngang tambagaya untu' yangasenna anjo passarea.

2 SAMUEL 24:18

Anjo memang alloa nabattu Na'bi Gad andallekang ri Daud na nakana ri ia, “Naikki' karaeng ri panggilingang gandunna Arauna, siagang appaentengki' tampa' pakkoro'bangngang untu' Batara.”

HAKING-HAKING 6:26

Nampa nupaenteng irateanganna se're tampa' pakkoro'bangngang ia le'baka nirancana baji'. Nampa nutunu akkayu anjo sapi lakia, untu' a'jari koro'bang mae ri Batara. Anjo bentenna barhala Dewi Asyera le'baka nurumbang, nupare' kayu tunuang.”

PAOLE 12:5

Ri sikontu daerana suku-suku Israel, ammilei Karaeng Allata'alanu se're tampa' sollanna akkulle bansata battu mange ri dallekanNa siagang anynyomba ri Ia.

HAKING-HAKING 21:3

“O, Batara, Allata'alana Israel, angngapa namusti kajariang ngaseng anne sikammaya? Suku Benyamin, kalase'renna suku bansana ikambe, a'birimmi lanynya'!”

1 SAMUEL 7:17

Punna le'baki anjo tuli ammotereki mange ri balla'na ri Rama. Anjoreng a'jari hakingi ri tu Israel, siagang pole ambangung tongi pole se're tampa' pakkoro'bangngang untu' Batara.

HAKING-HAKING 6:24

Appare'mi Gideon se're tampa' pakkoro'bangngang anjoreng, nampa naareng “Batara Kabattuanna Kasalamakkanga.” Anjo tampa' pakkoro'bangnganga nia' iji ri Ofra, iamintu ri kotana tu Abiezer.

HAKING-HAKING 20:26

Jari a'lampami pole umma' Israel mange ri Betel nampa angngarru' mae ri Batara. Anjoreng appuasai ke'nanga sa'genna bangngi siagang assarei koro'bang passiamakkang na koro'bang nitunu mae ri Batara.