HAKING-HAKING 21:21 - KITTA' MATANGKASA'

²¹ siagang a'jaga-jaga mako anjoreng. Sinampe' punna assulu' sikamma tuloloa ri Silo untu' a'joge' ri passua'-suarrang tunggala' taunga mae ri Batara, musti assulukko battu ri anjo koko-koko anggoroka. Nampa massing angngallemako tasse'rei tulolo battu ri ke'nanga nampa nulariang mange ri daerana Benyamin nupa'jari bainennu.

HAKING-HAKING 21:21 Referans Kwoze

HAKING-HAKING 11:34

Ammotere'na Yefta battu ri Mizpa, battumi ana' tulolonna anruppai na'joge'-joge' siagang appasa'ra rebana. Iaminjo ana' sitau-tauna.

KALAPPASSANG 15:20

Nampa anjo Miryam, sitau na'bi baine, daenna Harun, angngallemi rabana, kammayatompa sikontu bainea annunrung ngasemmi rabana nampa a'joge'.

LUKAS 17:25

Mingka uru-uruna musti jai sessa Nakasia' siagang tanitarimayai ri taua ri anne jammanga.

MATIUS 10:17

A'jaga-jagako, nasaba' lanijakkalakko sallang nampa nierangko mange andallekang ri pangadelang agamaya. Lanisessako ri balla' sambayanga.

YEREMIA 31:13

Ri anjo wattua la'jogeki tau loloa assannang-sannang pa'mai'. Tau toaya siagang tau rungkaya para lamate'ne ngasengi pa'mai'na, nasaba' iNakke lassaleori ke'nanga. Susana ke'nanga Kupinrai a'jari karannuang, Kupinrai si'naya a'jari mate'ne.

KATO'BA 3:4

Allata'ala ampattantui wattu untu' angngarru' siagang wattu untu' ammakkala', wattu untu' appiraung siagang wattu untu' a'joge',

PAMMUJI 150:4

Pujimi siagang rabana nu'joge'-joge', pujimi siagang kacapi na suling.

PAMMUJI 149:3

Pujimi arenNa nu'joge'-joge', pujimi siagang kacapi na rabana!

2 SAMUEL 6:21

Appialimi Daud angkana, “A'jogeka' untu' ampakala'biriki Batara, le'baka antollaki manggenu siagang kaluargana, nampa Napileia' a'jari pamimpinna Israel, umma'Na. Lanri kammana anjo tuli la'jogeka' untu' ampakala'biriki Batara.

2 SAMUEL 6:14

Nampa a'joge'-joge' Daud sanna' lompona sumanga'na untu' ampakala'biriki Batara. Anjo wattua poro lipa' lenang bodo bawang napake napasikko' ri aya'na.

1 SAMUEL 18:6

Ammotere'na Daud ri le'ba'namo nabeta Goliat anjo tu Filistin, siagang a'barrisi'na tantaraya antama' ri kotaya, assulu' ngasemmi sikamma tubai'-bainea battu ri sikontu kotaya untu' anruppai Karaeng Saul. Akkelong-kelommi ke'nanga kelong ma'rannu-rannu, siagang a'joge'-joge'mi ke'nanga nakkarena rabana siagang kacapi.

HAKING-HAKING 21:20

Jari nakanamo pamimping-pamimpinna anjo pa'rappunganga ri Betel mae ri sikamma tu Benyamin niaka tassesa, “A'lampa ngasemmako accokko ri koko-koko anggoroka ri Silo,

KELONG MALA'BIRI' 6:13

A'jogekko, he tulolonna Sulam, painro-inroi kalennu, sollanna baji' nacini' ikambe. Angngapa nuero' ngaseng ancinikia', ri wattungku a'joge' ri tangnga-tangngana pacini'-cinika?