HAKING-HAKING 21:10 - KITTA' MATANGKASA'

¹⁰ Lanri kammana, anjo tau niaka a'rappung ri Betel, akkirimmi 12.000 tau kaminang barania battu ri ke'nanga untu' mange ambunoi sikamma taua ri Yabesh, kammayatompa tubainea siagang ana'-anaka.

HAKING-HAKING 21:10 Referans Kwoze

1 SAMUEL 11:7

Sanna'mi larrona. Na naallemo ruang kayu sapi nampa napolong na nakere' a'jari jai kere'na. Nampa nakiring anjo kerek-kerekanga mae ri sikontu pa'rasangang Israel, na naparentakang angkana, “Inai-nai tena namaju ampinawangi Saul siagang Samuel a'bundu', lanikerek-kere' tongi sapi-sapinna kamma anne!” Malla'mi bansa Israel ri apa akkullea Nagaukang Batara. Jari yangasenna taua, sadia ngasemmi untu' maju sipa'rurungang a'bundu'.

HAKING-HAKING 21:5

Nampa nasalidiki ke'nanga, apaka nia' battu ri suku-suku bansa Israel tamangea asse're andallekang mae ri Batara ri Mizpa pirangalloang. (Anjo wattua le'ba'mi assumpa ke'nanga angkanaya tau tenaya nabattu ri pakkiokanga mange ri Mizpa musti nihukkung matei).

HAKING-HAKING 5:23

“Tunrai Meros, nabonena, nasaba' battuna ke'nanga teai untu' ambantu a'jari pahlawang barjuanga untu' Batara, kammanjo kananna Malaeka'Na Batara.”

1 SAMUEL 15:3

Jari a'lampako siagang bunduki tu Amalek na nuancuru' sikamma apa-apanna ke'nanga. Teako niakki apa-apa nuboli' tassesa. Bunoi sikontu tu bura'nea, bai'-bainea, ana'-anaka, siagang ana' loloa. Kammayatompa sapia, gimbalaka, untaya siagang keledaia.”

YOSUA 7:24

Nampa nijakkala'mo anjo Akhan ri Yosua siagang ri sikontu tu Israel, siagang nierangi mange ri Ka'bung Kasusaang nipasierang siagang sikontu ana'na, olo'-olo' sapi, keledai, gimbala', kema, siagang sikontu apa-apa napatanga, kammayatompa anjo peraka, jubaya siagang bulaeng nalukkaka.

PAOLE 13:15

musti nibunoi sikontu pandudu'na anjo kotaya siagang sikamma olo'-olo'na. Anjo kotaya musti niancuru' taba sikali.

PAMMILANGNGANG 31:17

Jari, kamma-kamma anne buno ngasengi sikamma ana'-ana' bura'nea siagang sikamma tubaine tenayamo natulolo.

HAKING-HAKING 21:8

Jari nasalidikimi ke'nanga apaka nia' se're golongang battu ri suku bansana Israel tena na'lampa asse're ri Mizpa. Na nagappamo ke'nanga angkanaya battu ri tu Yabesh ri Gilead, tena manna sitau a'lampa mange ri Mizpa.

HAKING-HAKING 21:9

Nasaba' ri wattunna niparessa dattara' hadereka, ma'nassami angkanaya manna sitau tania' battu Yabesh.