HAKING-HAKING 20:34 - KITTA' MATANGKASA'

³⁴ Anjo ke'nanga sangnging tau nipile battu ri sikontu Israel; jaina nia' 10.000 tau. A'jarimi pa'bundukang sannaka suara'na ri wattunna maju anjo tau 10.000 jaina ambunduki Gibea. Tena sikali nasanna-sannai tu Benyamin angkanaya tasalloami nanibeta ke'nanga.

HAKING-HAKING 20:34 Referans Kwoze

YOSUA 8:14

Kamma nacini'na karaeng Ai anjo ana' buana Yosua, akkaro-karomi angngalle tindakang. Assulu'mi siagang sikontu taunna mange ri ka'bunna Yordan untu' ambunduki tu Israel anjoreng ri tampa' pirangalloanga. Tanaassengai angkanaya tasalloami nanibunduki battu ri boko.

YESAYA 47:11

Mingka lanatujuko bala, takkulleai baca-bacanu ampalili. Lanibattuiko ri bahaya, takkulleako ampasalai. Ti'ring labattui kapanrakanga, tanusanna-sannayai la'bi riolo.

AYUB 21:13

Napa'la'busuki allo-allo katallassanna ke'nanga lalang mate'ne, na amang nasa'ring ri wattunna mate ke'nanga.

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.

LUKAS 21:34

“Jagai kalennu, gassingka sangnging assua'-suaraka, angnginung inungang terasa', yareka sangnging passala' katallassannu bawang nunawa-nawa, sa'genna tena nusadia natanusanna-sannaya nabattumo anjo wattua.

MATIUS 24:44

Jari parallu tongko sadi'-sadia. Nasaba' tena nuassengi wattunna nati'ring lania' battu Ana' Ma'rupataua.”

KATO'BA 9:12

Takkulleai naasseng rupataua ringngapanna nabattu wattunna. Sanrapang jangang-jangang naalle sikko' siagang juku' naalle jala, kamma tomminjo rupataua natuju bala, ri wattu tenaya nasanna-sannai.

PANGNGEBARANG 29:6

Tau ja'dalaka niallei ri sikko' lanri dosana, tau lambusuka sannangi nakasia' siagang mate'nei.

HAKING-HAKING 20:35

Nasaremi Batara pammetang anjo tu Israel mae ri tu Benyamin, sa'genna anjo alloa nia' 25.100 tantara Benyamin nabuno ke'nanga.