HAKING-HAKING 2:20 - KITTA' MATANGKASA'

²⁰ Iaminjo saba'na nasanna'mo larroNa Batara mae ri umma' Israel. Angkanami, “Le'ba'mi Kupassuroang ri boe-boena anne ke'nanga sollanna nata'gala' jarre' anjo parjanjiangKu siagang ke'nanga. Mingka natappu'mi anne bansaya passikko'na anjo parjanjianga, nadakkaimi ke'nanga parentaKu.

HAKING-HAKING 2:20 Referans Kwoze

YOSUA 23:16

Punna nudakkai parjanjiang le'baka Naparentakang Karaeng Allata'alanu mae ri kau sollanna nuturuki, siagang a'lampako anggaukangi ibadaya kammayatompa anynyomba mae ri rewata-rewataya, tena talarroNa Batara, siagang tena taNahukkunnu ngaseng. Lalang wattu sinampe' duduji naNapa'lanynya' ngasengko battu anrinni ri pa'rasangang bajika anne, Napassareanga Batara mae ri kau.”

YEHEZKIEL 20:37

LaKuterassiko sollanna nuturuki parjanjiangKu.

YEREMIA 31:32

Mingka anjo parjanjianga tena nasangkamma parjanjiang Kupareka siagang boe-boena ke'nanga ri wattunna Kururungang assulu' ke'nanga battu ri Mesir. Manna pole Kurapang bura'nenna ke'nanga, mingka nadakkai ke'nanga parjanjiangKu siagang ke'nanga.

HAKING-HAKING 10:7

Jari larromi Batara mae ri umma' Israel. Sa'genna nibalang parekang ke'nanga nikoasai ri bansa Filistin siagang bansa Amon.

HAKING-HAKING 3:8

Jari larromi Batara mae ri umma' Israel. Nibalang parekammi ke'nanga nanibeta ri Karaeng Kusyan-Risyataim battua ri pa'rasangang Mesopotamia. Sagantuju taungi anjo karaenga angkoasai ke'nanga.

PAOLE 32:22

A'rinrai larroKu rapang pepe' ampakamutungi sikamma apa niaka mattompo' butta; a'le'lereki pepeka sa'genna sirinna langika, antunui monconga sa'genna aka'-aka'na.

HAKING-HAKING 2:19

Mingka punna matemo anjo pamimpinga, a'jari la'bi kodimi panggaukanna ke'nanga natau jammang rioloangannaya. Napare' atami kalenna mae ri rewata-rewata maraenganga, siagang anynyombai ke'nanga mae ri anjo rewata-rewataya. Ammotereki ke'nanga mae ri kabiasang-kabiasang ja'dala'na ke'nanga, na taerokai ke'nanga ampinrai anjo gau'na.

PAMMUJI 78:10

Nadakkai parjanjianna ke'nanga siagang Allata'ala, taerokai mannuruki ri hukkunNa.

PAMMILANGNGANG 32:13

Larroi Batara mae ri bansa Israel sa'genna Nalappassang ke'nanga a'la'ba' a'lampa ri parang lompoa patampulo taung sallona, sa'genna sikontu anjo tau angngewaya mae ri ia mate ngasemmi.

2 SAMUEL 24:1

Larromi pole Batara mae ri tu Israel, nampa nanyonyo' Daud lanri ero'Na Napabattu kasukkaranga mae ri anjo bansaya. Nakana Batara ri ia, “Suro bilangi pandudu'na Israel siagang Yehuda.”

PAMMUJI 106:40

Nampa a'rinramo larroNa Batara mae ri ke'nanga, ero'mi ta'langnge Nasa'ring lanri umma'Na tonji.