HAKING-HAKING 2:17 - KITTA' MATANGKASA'

¹⁷ Mingka tena najampangi ke'nanga anjo pamimpinga. Anynyombai ke'nanga mae ri rewata-rewata maraenganga, siagang tena namajarre' ke'nanga mae ri Batara. Tena naturuki boe-boena ke'nanga, ia mannurukia ri sikamma parentaNa Batara.

HAKING-HAKING 2:17 Referans Kwoze

GALATIA 1:6

Lannasaka' mae ri kau ngaseng sari'battang! Nasaba' le'ba' mako nikio' ri Allata'ala lanri pangngarimangnginNa tete ri Almasi. Mingka kamma-kamma anne teai sipato' linta'nu ambokoi Allata'ala. Amminawangko mae ri “kabara' baji'” maraengannaya na Kabara' Baji' battua ri Allata'ala.

PAOLE 9:12

Nampa Nakana Batara mae ri nakke, ‘Naungko linta', nasaba' anjo bansanu nueranga assulu' battu ri butta Mesir a'gau' ja'dala'mi. Ammengkami ke'nanga battu ri parenta-parentaKu, siagang appare'mi patung untu' nasomba.’

HAKING-HAKING 2:7

Ri tallasa'na Yosua anynyomba ngasengi tu Israelka mae ri Batara. Na ri matenamo Yosua, tuli anynyombana ke'nanga mae ri Batara, iamintu lalang nipimpinna ke'nanga ri tau ancinikai kalenna sikamma gau' malompo Nagaukanga Batara untu' bansa Israelka.

HOSEA 2:2

Nakana Batara, “He ana'-anakKu, anjo amma'nu teaimi bainengKu, siagang iNakke teaiMa' bura'nenna. Lanri kammana anjo akkara-kara mako siagang ia, sollanna tenamo na'gau' bawang siagang assundala' pole.

PAMMUJI 106:43

A'mole-molei nipakabebasa' ke'nanga ri Batara, mingka la'bi nangai ke'nanga angngewa, sa'genna posso' ke'nanga lalang dosa-dosana ke'nanga.

PAMMUJI 106:39

Lanri anjo sikamma panggaukanna a'jari ra'masa'mi ke'nanga, siagang tajarreka ke'nanga mae ri Allata'ala.

PAMMUJI 73:27

Lacilakai tau ambokoiaKi' Kiballassi tau tenaya majarre' mae ri Katte.

1 SAMUEL 12:19

Nakanamo ke'nanga mae ri Samuel, “Tulungi ikambe bapa'. Kipappala' doangangi ikambe anne mae ri Karaeng Allata'alanu, sollanna tamatea ikambe. Kamma-kamma anne sadara'mi ikambe angkanaya pantaranganna dosana ikambe riolo, dorakami pole ikambe lanri appala'na ikambe sitau karaeng.”

1 SAMUEL 12:17

Lakkioka' mae ri Batara, namanna pole wattu timoroki, lappaturungi Batara gunturu' siagang bosi, a'jari pammatei angkanaya Napilangngeri pappala' doangku. Anjo wattua, lasadara' mako antekamma lompona dosanu mae ri Batara lanri appala'nu sitau karaeng.”

1 SAMUEL 12:12

Mingka nuassenna angkana lanabundukiko Nahas, anjo karaeng Amon, nusorongbokomi Batara a'jari Karaennu nampa nukana ri nakke, ‘Eroki ikambe niparenta ri se'reang karaeng.’

YOSUA 24:31

Lalang attallasa'na Yosua, anynyombai umma' Israel mae ri Batara. Kammayatompa ri wattunna matemo, tuli manynyombana ke'nanga mae ri Batara lalang nia'na ija ri alla'na ke'nanga sikamma pamimping le'baka anciniki kalenna sikontu apa le'baka Nagaukang Batara untu' umma' Israel.

YOSUA 24:24

Nampa nakanamo anjo taua mae ri Yosua, “Ikambe Batara Allata'alata bawang lanisomba. Lanaturuki ikambe parenta-parentaNa.”

PAOLE 9:16

Kurapikang mako sitabang andakkai parentaNa Karaeng Allata'alanu. Doraka mako mae ri Batara lanri nupapparekanna kalennu se're patung sapi.

KAIMANGNGANG 17:7

Bansa Israel musti tamamminrayai mae ri Batara, siagang tena sikali-kali nakkulle anynyamballe ke'nanga olo'-olo' ri koko-kokoa untu' passare mae ri sikamma jing ja'dalaka. Anjo paratoranga musti nituruki sa'genna satunggu-tungguna.

KALAPPASSANG 32:8

Ammengkami ke'nanga battu ri parenta-parentaKu. Appareki ke'nanga patung sapi bulaeng, nampa nasomba siagang nasare passare koro'bang. Nakana ke'nanga, iaminjo rewata angngerangai ke'nanga assulu' battu ri Mesir.

AMOS 2:4

Nakana Batara, “Tu Yehuda a'mole-molei doraka, lanri kammana anjo ma'nassa laKuhukkungi ke'nanga. Nadakkai ke'nanga parenta-parentaKu siagang tanajampangiai ajarang-ajarangKu. Nipa'lingui ke'nanga ri rewata-rewata maraenga nasombaya boe-boena ke'nanga.

PAOLE 31:16

Nakana Batara mae ri Musa, “A'reppese'mi a'jala'nu. Punna a'boko mako, lamamminrami nyawana bansa Israel mae ri Nakke siagang takkaluppami ri parjanjiang Kupareka siagang ke'nanga. LanabokoiA' ke'nanga untu' a'lampa mange anynyomba ri rewata-rewata nisombaya ri pa'rasangang tenayamo nasallo nanupantamakki.

PAOLE 31:18

Ri anjo wattua taerokaMa' antulungi ke'nanga, lanri anynyombami ke'nanga mae ri rewata-rewata maraenga siagang a'gau' ja'dala'mi ke'nanga.

HAKING-HAKING 8:33

Ri matenamo Gideon, tenamo namajarre' tappa'na tu Israel mae ri Allata'ala. Anynyombami ke'nanga ri rewata-rewata Baal, siagang napare'mi anjo Baal-Berit a'jari rewatana ke'nanga.

YEREMIA 3:6

Ri wattu pamarentahanna Karaeng Yosia, akkana kammai anne Batara ri nakke, “Le'ba'mi nucini' apa nagaukanga tu Israel, anjo rapang baine tenaya namajarre' pa'mai'na? NabokoiA' nampa nagaukang assundalaka irate ri tunggala' moncong tinggia siagang irawanganna poko' kayu lompoa.

YEREMIA 6:16

Nakana Batara ri umma'Na, “Ammentengko ri sikamma panyingkulu'na aganga, siagang parhatikangi baji'-baji'! Pakkuta'nangngangi sikamma agang-agang riolo-rioloa, siagang kereanga kaminang baji' anjo aganga. Pinawammi anjo aganga, sollanna sannang katallassannu.” Mingka angkanai ke'nanga, “Tena, tena naero' ikambe ampinawangi anjo aganga!”