HAKING-HAKING 19:21 - KITTA' MATANGKASA'

²¹ Nampa naerang ke'nanga mae ri balla'na na nasare kanre keledaina ke'nanga. Na le'ba'na anjo sikamma toananna ambissai bangkenna, nasaremi ke'nanga kanre.

HAKING-HAKING 19:21 Referans Kwoze

LUKAS 7:44

Nacinikimi Isa anjo bainea, nampa Nakana ri Simon, “Nuciniki anne bainea? BattuA' anrinni ri balla'nu, natena nupasadiangA' je'ne' pa'bissa bangkeng; mingka anne bainea natangkasi bangkengKu siagang je'ne' matanna, nampa nalu'lu' siagang uu'na.

PA'JARIANG 43:24

Nampa naantara' ke'nanga antama' ri balla'. Nasaremi ke'nanga je'ne' pa'bissa bangkeng. Kammayatompa keledaina ke'nanga nasaremi kanre.

PA'JARIANG 18:4

Boli'mi kamma nakungngalle je'ne' untu' anbissai bangkenta ngaseng. Mae maki' ammari-mari poso irawanganna anne poko' kayua.

1 TIMOTIUS 5:10

niassemmi angkanaya nangai a'gau' bajika, kammaya: le'ba'mi napakalompo baji' ana'-ana'na, nangai annarimaya toana a'bangngi ri balla'na, nalayani tau tappaka, siagang natulungi tau susaya; bodona kana, le'ba'mi nagaukang tojeng-tojeng a'rupa-rupaya jama-jamang baji'.

2 SAMUEL 11:8

Nampa nakanamo Daud mae ri Uria, “Ammotere' mako mae ri balla'nu siagang ammari-mari mako sinampe'.” Ri wattunna nabokoimo Uria balla' kakaraenganga, akkirimmi Daud hadia mange ri balla'na Uria.

1 SAMUEL 25:41

Ammentemmi nai' Abigail nampa su'ju' siagang nakana, “Inakke anne atanna' Daud, sadia' ambissai bangkenna sikamma atanna.”