HAKING-HAKING 18:23 - KITTA' MATANGKASA'

²³ akkiok-kio'mi Mikha siagang sikamma anjo taunna mae ri ke'nanga. Assailemi anjo suku Dan nakkuta'nang ri Mikha angkana, “Apa kutadeng? Angngapa nubattu mae siagang tau jai kammaya anne?”

HAKING-HAKING 18:23 Referans Kwoze

YESAYA 22:1

Iaminne pappasang ri passala'na Ka'bung Paccinika: He, pandudu'na Yerusalem, angngapa nunai' ngaseng ri pattongko' ballaka?

PAMMUJI 114:5

Apa kutadeng, he tamparang, nanulari, siagang Binanga Yordan nummari a'lo'loro'?

2 KARAENG-KARAENG 6:28

Apa kasukkarrannu?” Appialimi anjo bainea angkana, “Anne agangku napangaruia' angkanrei siagang rolong anakku, nampa ammukona ana'na kukanre siagang.

2 SAMUEL 14:5

Akkuta'nammi karaenga ri ia angkana, “Apa kutadeng?” Appialimi anjo bainea angkana, “Anne atanta janda kasi-asi. Matemi bura'nenna atanta.

1 SAMUEL 11:5

Anjo wattua silalonna Saul battu ri kokonna na naerang sapinna. Akkuta'nammi angkana, “Apa le'ba' kajariang? Angngapa nangngarru' ngaseng taua?” Jari nipauammi anjo kabara' naeranga anjo tunisuroa battu ri Yabesh.

PA'JARIANG 21:17

Nalangngere'mi Allata'ala sa'ranna Ismael. Nampa a'bicaramo malaeka'Na Allata'ala battu rate ri langika mae ri Hagar, angkana, “Apa nukasusang Hagar? Teako mallakki. Nalangngere'mi Allata'ala sa'ranna ana'nu.

HAKING-HAKING 18:22

Ri wattuna bellamo ke'nanga, nakio'mi Mikha siampi'-ampi' balla'na nampa assama-sama ke'nanga angngondangi anjo suku Dan. A'reppese'namo ke'nanga,

HAKING-HAKING 18:24

Appialimi Mikha angkana, “Nulariangi patung-patungku siagang imanna, sa'genna tenamo apa-apangku, nampa nukana ‘Apa kutadeng?’ ”