HAKING-HAKING 16:7 - KITTA' MATANGKASA'

⁷ Appialimi Simson angkana, “Punna nisikkokka tuju otere' pana beru, ia tenayapa nakalotoro' dudu, la'jari lammama' sangkamma tau biasaya.”

HAKING-HAKING 16:7 Referans Kwoze

KOLOSE 3:9

Teako assiballe-ballei, nasaba' le'ba'mi nubokoi sipa'-sipa' katallassang sallonu.

GALATIA 6:7

Teako eroki nitipu. Anjo Allata'ala takkulleai nipakkarek-karenang! Apa nilamung iatommi anjo lanikatto.

ROMA 3:8

Siagang angngapa nanitakkullea angkana, “Umba nakia'gau' ja'dala' sollanna ammumba kabajikanga?” Memang nia'mo siapa are tau anghina-hina', angkanaya inakkemi le'ba' akkana kamma anjo. Tau kammaya ngasemmi anjo siratang Nahukkung Allata'ala.

PANGNGEBARANG 17:7

Tau nipakalompoa, tasiratangai akkana balle-balle; tau dongoka tasiratangai akkana nia' matu-matunna.

PANGNGEBARANG 12:19

Sipakkida mataji natassungkemo balle-ballea, mingka kana-kana tojenga latuli niaki satunggu-tungguna.

1 SAMUEL 27:10

Punna akkuta'nang Akhis ri ia angkana, “Kemaeko a'bundu' ri kamma-kammaya anne?” Jari appialimi Daud angkanaya a'lampai mange ri bageang timboranna Yehuda yareka ri daerana tu Yerahmeel yareka ri daera pammantanganna tu Keni.

1 SAMUEL 19:17

Nakanamo Saul ri Mikhal, “Ero'na pa'mai'nu antipua' kamma anne! Nubantui musungku lari!” Appialimi Mikhal angkana, “Erokka' nabuno punna tena nakubantui sollanna akkulle lari.”

HAKING-HAKING 16:10

Nakanamo Delila ri Simson, “A'balle-balleko! Nukarek-karenaija'. Pauanga', otere' apa akkulle nipake ansikkokko!”

HAKING-HAKING 16:6

Jari nakanamo Delila ri Simson, “Apa saba'na nanugassing kamma Simson? Apapi nisikkokangko sollanna tappela' anjo kagassingannu? Pauang sa' bedeng rahasiana!”

HAKING-HAKING 16:8

Jari nisaremi Delila ri tukoasana Filistin tuju otere' pana beru, tenayapa nakalotoro' dudu. Nampa lalang attayanna tu Filistin ri kamara' maraenga, nisikko'mi Simson ri Delila siagang anjo otereka. Le'baki anjo ammarrammi Delila, angkana, “Simson! Niaki tu Filistin battu!” Natappu'-tappu'mi Simson anjo otere' panaya silalonna. Tappu'mi anjo otereka sanrapang bannang natabaya pepe'. Tenapa nakaassengang rahasia kagassinganna Simson.