HAKING-HAKING 16:6 - KITTA' MATANGKASA'

⁶ Jari nakanamo Delila ri Simson, “Apa saba'na nanugassing kamma Simson? Apapi nisikkokangko sollanna tappela' anjo kagassingannu? Pauang sa' bedeng rahasiana!”

HAKING-HAKING 16:6 Referans Kwoze

MIKHA 7:5

Teako tappakki mae ri singngampi'nu, teako tanjengi mae ri agannu. Tutuko lalang ri kana-kanannu manna pole nabainennuja allangngereki.

MIKHA 7:2

Tau lambusuka lanynya'mi battu ri pa'rasanganga, tau majarreka tappa'na mae ri Allata'ala tenamo nibuntulu'. Tunggala' taua massing attayangi kasampatang untu' ammuno. Massing attannangi sikko' untu' paranna tau.

PANGNGEBARANG 26:28

Amballe-ballei paranna tau, sangkammai angkana nikabirisi. Kana-kana te'nea angngerangi bala.

PANGNGEBARANG 22:14

Panynyonyo'na baine salaya sangkammai sikko'; tau nikalarroia ri Batara loposoki antama'.

PANGNGEBARANG 7:21

Kammaminjo batena anjo bainea angngodoki anjo tau rungkaya siagang kana-kana panynyonyo' angngontaka, sa'genna nigodamo anjo lapung tau rungka.

PANGNGEBARANG 6:26

Anjo baine salaya akkullei nisewa sanrapang kanre sipannea anggaranna, mingka nikanaya a'gau' sala siagang bainenna tau maraenga musti nibayaraki siagang nyawa.

PAMMUJI 12:2

Kitulungi ikambe o, Batara, nasaba' tenamo tau baji', sikamma tau majarreka ri Katte lanynya' ngasemmi.

HAKING-HAKING 16:5

Nia'mo lima tu anna'gala' koasa ri Filistin battu mange ri anjo bainea. Nakanamo ke'nanga, “Nyonyo'mi Simson sollanna ero' ampauangko angkana apa rahasia kagassinganna, siagang antekamma carana nakkulle tappela' anjo kagassinganna. Jari akkullemi battu ikambe untu' ansikkoki nanibeta. Nisarepako sallang doe' pera', massing-massingki' assareko sisa'bu assibilangngang sitau.”

HAKING-HAKING 16:7

Appialimi Simson angkana, “Punna nisikkokka tuju otere' pana beru, ia tenayapa nakalotoro' dudu, la'jari lammama' sangkamma tau biasaya.”

HAKING-HAKING 14:17

Lalanna tuju allo passua'-suarranga tuli angngarru'na bainenna Simson. Na lanri tuli angngarru'na ero' nipauang, ri maka tujuna allona nipauammi ri Simson battuanna anjo tappu-tappuanga. Nampa nakanamo bainenna Simson battuanna anjo tappu-tappuanga mae ri tu Filistin.

NEHEMIA 6:4

Sa'genna pingngappa' ke'nanga akkiring undangang sangkammaya riolo mae ri nakke, mingka tuli kubalasa' tongi sangkamma riolo.