HAKING-HAKING 14:18 - KITTA' MATANGKASA'

¹⁸ Jari ri maka tujuna alloa, ri tenanapa nalabu alloa, nakanamo anjo ke'nanga mae ri Simson, “Apaya la'bi te'neangngang na bania? Na apaya pole kassakangang na singaya?” Appialimi Simson angkana, “Kapunna tena nakusuro bainengku, takkulleako angngissengi battuanna anjo tappu-tappuanga!”

HAKING-HAKING 14:18 Referans Kwoze

HAKING-HAKING 14:17

Lalanna tuju allo passua'-suarranga tuli angngarru'na bainenna Simson. Na lanri tuli angngarru'na ero' nipauang, ri maka tujuna allona nipauammi ri Simson battuanna anjo tappu-tappuanga. Nampa nakanamo bainenna Simson battuanna anjo tappu-tappuanga mae ri tu Filistin.

HAKING-HAKING 14:19

Ti'ring kassa'mi Simson lanri kakoasanNa Batara. Na'lampamo mange ri Askelon. Anjoreng ammunoi tau bura'ne tallumpulo ia ga'ga-ga'gaya ngaseng pakeanna. Nampa naalleang ngaseng pakeanna ke'nanga, na naerang napassareang mae ri anjo tallumpuloa tau antappuai tappu-tappuanna. Le'baki anjo ammotere'mi mae ri balla'na siagang lussa' pa'mai'na.

2 SAMUEL 1:23

Saul siagang Yonatan, kamma sombere'na siagang nikamaseangi; tuli akkana se're lalang tallasa'na siagang lalang matena; la'bi lintaki na jangang-jangang garuda, la'bi gassingi na singa rungkaya.

PANGNGEBARANG 30:30

Singa, olo'-olo' kaminang kassaka ri sikontu olo'-oloka siagang tenaya namalla' manna ri apa-apa mamo;

PAMMUJI 81:16

Tau birisika ri ke'nanga laKupatunduki, lanihukkungi ke'nanga satunggu-tungguna.

YEHEZKIEL 1:10

Tunggala' anjo apa attallasaka appa' ngaseng rupanna, mingka simmara'-maraengi anjo appaka rupanna; rupanna ri dallekanga attanja' taui, rupanna ri sa'ri kanang attanja' singai, rupanna ri kairia attanja' sapi liaraki, siagang rupanna ri bokoanga attanja' rajawali.