HAKING-HAKING 14:15 - KITTA' MATANGKASA'

¹⁵ Jari, ri makaappa'na alloa, nakanamo ke'nanga ri bainenna Simson, “Nyonyo' sai anjo bura'nennu sollanna ero' ampaui ri kambe apa battuanna anjo tappu-tappuanga. Punna tena, lakitunuko siagang sikontu bone balla'na manggenu. Iaji padeng nanuundangki' lanri ero'na nupacappu' apa-apanna ikambe!”

HAKING-HAKING 14:15 Referans Kwoze

HAKING-HAKING 16:5

Nia'mo lima tu anna'gala' koasa ri Filistin battu mange ri anjo bainea. Nakanamo ke'nanga, “Nyonyo'mi Simson sollanna ero' ampauangko angkana apa rahasia kagassinganna, siagang antekamma carana nakkulle tappela' anjo kagassinganna. Jari akkullemi battu ikambe untu' ansikkoki nanibeta. Nisarepako sallang doe' pera', massing-massingki' assareko sisa'bu assibilangngang sitau.”

HAKING-HAKING 15:6

Nasalidikimi tu Filistin angkana inai anjo ampanggaukang kamma. Na nipauammo ke'nanga angkana Simson ampanggaukang, lanri le'baki napassareang matoang bura'nena ri Timna anjo bainenna Simson mae ri aganna Simson. Jari nitunumi ri tu Filistin anjo bainea siagang sikontu bone balla'na manggena, sa'genna la'busu'.

MIKHA 7:5

Teako tappakki mae ri singngampi'nu, teako tanjengi mae ri agannu. Tutuko lalang ri kana-kanannu manna pole nabainennuja allangngereki.

PANGNGEBARANG 6:26

Anjo baine salaya akkullei nisewa sanrapang kanre sipannea anggaranna, mingka nikanaya a'gau' sala siagang bainenna tau maraenga musti nibayaraki siagang nyawa.

PANGNGEBARANG 5:3

Anjo baine salaya, sanrapangi je'ne' bani bawana, kana-kananna angngallei pa'mai',

PANGNGEBARANG 1:11

Ebara' nakana ke'nanga, “Umba, ki'lampa mange a'boya tau nampa niborongi. Sollanna nia' nigaukang, umba naniba'ji tau tenaya salana.

HAKING-HAKING 12:1

Anjo wattua sadiai suku Efraim ero' a'lampa mange a'bundu'. A'lampami ke'nanga, na' limbang ri Binanga Yordan, mange ri Zafon. Nakanamo ke'nanga ri Yefta, “Angngapa nu'lampa ambunduki bansa Amon na tena nukio' tongki'? Kamma-kamma anne lakitunuko siagang sikontu bone balla'nu.”

HAKING-HAKING 14:14

Nakanamo Simson, “Battu ri angnganrea, assulu' apa nikanrea; battu ri kassaka, assulu' apa mate'nea.” Allalonamo tallungallo tenapa ri ke'nanga akkulle antappui anjo tappu-tappuanga.