HAKING-HAKING 12:3 - KITTA' MATANGKASA'

³ Jari, kuassennamo angkanaya ma'nassa tena nulabattu untu' ambantua', a'lampama' ampa'baraniangi kalengku mange ambunduki anjo tu Amon, manna pole kumusti mate. Nampa Nasarea' Batara pammetang mae ri ke'nanga. Angngapa nanubattu kamma-kamma anne ero' ambundukia'?”

HAKING-HAKING 12:3 Referans Kwoze

AYUB 13:14

Sadiama' ansaungi nyawaku!

1 SAMUEL 28:21

A'reppese'mi anjo sanroa mae ri Saul na nacini' angkanaya sanna' linguna. Lanri kammana nakanamo anjo bainea ri ia, “Karaengku, le'ba'mi atanta anggaukangi apa le'baka kipala'.

1 SAMUEL 19:5

Le'ba'mi nasaung nyawana wattunna nabuno Goliat, na nisaremo pammetang lompo tu Israel tete ri ia. Kalenta anciniki anjo apa le'baka kajariang, siagang rannumi pa'maitta anjo wattua. Jari angngapa nakiero' kamma-kamma anne ansessai tau tenaya kasalanna siagang ambunoi anjo Daud natena apa-apa saba'na?”

PAMMUJI 119:109

Tuli kubotori nyawaku, mingka tena nakukaluppai hukkunTa.

PAPPICINI' 12:11

Le'ba'mi nibeta ri sari'battanta tete ri cera'Na anjo Ana' Gimbalaka, siagang tete ri katojenganna anjo biritta battua ri Allata'ala, ia le'baka napa'la'bang ke'nanga. Rellai ke'nanga angkoro'bangkangi kalenna sa'genna mate.

ROMA 16:4

Le'baki ke'nanga sike'de' mate lanri ero'na ke'nanga ampalilia' ri balaya. Appala' sukkurukka' mae ri ke'nanga; ba'lalo teai inakke bawang, mingka sikontu jamaah bansa-bansa maraenga appala' tarima kasi' ngasengi mae ri ke'nanga.

2 PATTOTTORANG 13:12

Ikatte pamimpinta iamintu Allata'ala KalenNa siagang sikamma imang niaka anrinni. Sadiami ke'nanga appasa'ra tarompe' untu' a'jari pammatei ri katte lamaju ambundukiko. He, tu Israel, teako angngewai ri Batara, Allata'alana boe-boenu! Takkulleako ammeta!”

HAKING-HAKING 11:27

Tena, tena na sala ikambe mae ri kau. Ikau sala nasaba' nubunduki ikambe. Anne alloa Batarami haking untu' antappuki anne parkarana bansa Israel siagang bansa Amon.”

HAKING-HAKING 9:17

le'baka barjuang untu' ikau ngaseng? U'rangi angkanaya le'ba'mi nasaung nyawana untu' allappassang ngasengko battu ri kakoasanna tu Midian.

HAKING-HAKING 12:2

Nakanamo Yefta, “Nia' passisalang lompona ikambe tu Gilead siagang tu Amon. Le'ba' mako kukio' untu' ambantua' untu' allappassanga' battu ri anjo tu Amon, mingka tena ngaseng nubattu.

HAKING-HAKING 12:4

Nampa napa'rappungang ngaseng Yefta tau niaka ri Gilead. Nanabundukimo sa'genna nabeta tu Efraim. (Tu Gilead niaka ammantang ri Efraim siagang Manasye nitudumi ri tu Efraim angkanaya nasa'la'mi kalenna ke'nanga battu ri sukuna iamintu Efraim.)