HAKING-HAKING 11:34 - KITTA' MATANGKASA'

³⁴ Ammotere'na Yefta battu ri Mizpa, battumi ana' tulolonna anruppai na'joge'-joge' siagang appasa'ra rebana. Iaminjo ana' sitau-tauna.

HAKING-HAKING 11:34 Referans Kwoze

YEREMIA 31:4

Bansanu laKupa'jari porei sangkamma riolo. Sikalipi pole langngalleko rabana, siagang a'jogekko napakamma rannu.

KALAPPASSANG 15:20

Nampa anjo Miryam, sitau na'bi baine, daenna Harun, angngallemi rabana, kammayatompa sikontu bainea annunrung ngasemmi rabana nampa a'joge'.

HAKING-HAKING 11:11

Jari a'lampami Yefta siagang pamimping-pamimpinna Gilead. Nampa niangka'mo ri ke'nanga a'jari pamarenta siagang pamimping. Na ri dallekanNa Batara ri Mizpa, napaumi Yefta sikamma apa nakaerokia mae tuniaka ri Gilead.

HAKING-HAKING 10:17

Anjo wattua sitabangi sadia-sadia tantara Amon untu' a'bundu'. Akkemai ke'nanga ri Gilead. Na'rappung tommo umma' Israel siagang akkema ri Gilead.

PAMMUJI 68:25

Sikontu taua nacini'mi barisang lompo pammetanTa, o, Allata'ala, Allata'alaku, Karaengku, nirurungammi ri tau jai mange ri tampa' pammantangnganNa.

LUKAS 9:38

Nia'mo sitau bura'ne akkio' battu ri tangnga-tangngana anjo tau jaia nakana, “Pa' Guru, Kitulunga', naKimange anciniki ana' sitau-tauku!

LUKAS 8:42

nasaba' garringi ana' bainena sitau-taua sampulo anrua taung umuru'na, siagang a'biring dudumi mate. Lalang a'jappaNa Isa mange ri balla'na Yairus, battumi taua attammulili siagang siassa'-assa', mae ri Isa.

LUKAS 7:12

Ri wattunna anrapi' Isa ri pakke'bu' lompona kotaya sibuntulu'mi paerang tu mate assulukang kota. Anjo tu matea ana' bura'ne, ana' sitau-tau, na jandamo amma'na. Jai tunjoreng ri kotaya anrurungangi anjo jandaya.

ZAKHARIA 12:10

Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.

YEREMIA 31:13

Ri anjo wattua la'jogeki tau loloa assannang-sannang pa'mai'. Tau toaya siagang tau rungkaya para lamate'ne ngasengi pa'mai'na, nasaba' iNakke lassaleori ke'nanga. Susana ke'nanga Kupinrai a'jari karannuang, Kupinrai si'naya a'jari mate'ne.

PAMMUJI 150:4

Pujimi siagang rabana nu'joge'-joge', pujimi siagang kacapi na suling.

HAKING-HAKING 21:21

siagang a'jaga-jaga mako anjoreng. Sinampe' punna assulu' sikamma tuloloa ri Silo untu' a'joge' ri passua'-suarrang tunggala' taunga mae ri Batara, musti assulukko battu ri anjo koko-koko anggoroka. Nampa massing angngallemako tasse'rei tulolo battu ri ke'nanga nampa nulariang mange ri daerana Benyamin nupa'jari bainennu.

2 SAMUEL 6:14

Nampa a'joge'-joge' Daud sanna' lompona sumanga'na untu' ampakala'biriki Batara. Anjo wattua poro lipa' lenang bodo bawang napake napasikko' ri aya'na.

HAKING-HAKING 20:1

Jari battumi sikontu umma' Israel, battu ri Dan bageang wara' sa'genna Bersyeba bageang timboro', na Gilead bageang iraya untu' ambantui anjo pakkioka. A'rappummi siagang asse'remi ke'nanga ri Mizpa ri dallekanNa Batara.