HAKING-HAKING 1:18 - KITTA' MATANGKASA'

^18-19 Nitulummi tu Yehudaya sa'genna akkulle nabeta passa daera niaka ri moncong-monconga. Mingka takkulleai nabeta ke'nanga kota Gaza, Askelon, yareka pole Ekron siagang sikamma daera niaka ri tammulilina. Saba'na kaanjo bansa-bansa niaka ri biring tamparanga nia'mo kareta-kareta bassina, untu' napake a'bundu'. Jari takkulleai tu Yehudaya angngondangi ke'nanga.

HAKING-HAKING 1:18 Referans Kwoze

YOSUA 11:22

Tena manna sitau battu ri bansa Enak ammantang tassesa ri daera Israel; ia mami niaka iamintu niaka ri Gaza, Gat, siagang Asdod.

HAKING-HAKING 3:3

Ia bansa-bansa niaka ija ammantang ilalang ri limaya kotana Filistin, sikontu bansa Kanaan, bansa Sidon siagang bansa Hewi ammantanga ri moncong-monconna Libanon appakkaramula battu ri Moncong Baal-Hermon sa'genna mange ri agang a'lampa mangea ri Hamat.

1 SAMUEL 6:17

Kammaminjo nale'ba'mo appikatu tu Filistin mae ri Batara, iamintu passare untu' antangkasi dosana ke'nanga pandudu' limaya kota, niparentaya ri lima karaeng Filistin. Anjo kota-kotaya iamintu: Asdod, Gaza, Askelon, Gat, siagang Ekron. Anjo kotaya nia' ammake tembo' pannahang musu, nia' todong tena. Massing-massingi anjo kotaya appikatu se're kambussulu' bulaeng siagang se're bulaeng balao. Buttina anjo kajarianga, iamintu batu lompo tampa'na ke'nanga ampadongkoki Patti ParjanjianNa Batara. Manna sa'genna kamma-kamma anne tuli nia' iji anjo batua ri kokonna Yosua, anjo tu Bet-Semes.

HAKING-HAKING 16:21

Battumi tu Filistin anjakkalaki nampa napasulu' lisere' matanna. Nierammi ri ke'nanga mae ri Gaza, na nasikko' siagang rua rante tambaga. Nampa napantama' ri tarungkua. Nisuromi anjoreng anjama anggiling.

YOSUA 13:3

kammayatompa sikontu daera Awi a'lampa timboro'. (Daera battu ri Binanga Sikhor ri pa'baeng-baenna Mesir sa'genna mange ri pa'baeng-baenna Ekron ri bageang wara', yangasenna anjo antamaki daerana bansa Kanaan; siagang karaeng-karaenna tu Filistin ammantangi ri Gaza, Asdod, Askelon, Gat siagang Ekron.)

KALAPPASSANG 23:31

Sikamma pa'baeng-baenna pa'rasangannu laKupattantui battu ri Tamparang Akaba sa'genna mae ri Binanga Efrat, kammayatompa battu ri Tamparang Tangngaya sa'genna mae ri parang lompoa. LaKusareko koasa mae ri pandudu'na anjo pa'rasanganga, sa'genna akkulle nubongka ke'nanga ri wattunnu maju untu' angngallei anjo buttaya.

YEREMIA 47:5

Tu Gaza nitujui ri susa lompo; pandudu' Askelon a'jari rapangi tau pepe. Siapapi sallona tu Filistin tassesaya tulusu' lasi'na?

PAOLE 2:23

Butta niaka ri siapa are la'buna ri biring Tamparang Tangngaya nipammantangngi ri tu battua ri pulo Kreta. Le'baki ke'nanga naancuru' tu Awi, iamintu pandudu' uru-uruna anjo pa'rasanganga, nampa napammantangngi ke'nanga anjo daeraya sa'genna mae ri kota Gaza ri patimboro'na.)

YOSUA 15:11

Battu ri Timna, anjo garisi' pa'baeng-baenga a'lampa mangei ri bageang warakkanna Moncong Ekron, nampa a'lekko mange ri Sikron, allalo ri Moncong Baala, tulusu' mange ri Yabneel, nampa kala'busang ri Tamparang Tangngaya,

HAKING-HAKING 14:19

Ti'ring kassa'mi Simson lanri kakoasanNa Batara. Na'lampamo mange ri Askelon. Anjoreng ammunoi tau bura'ne tallumpulo ia ga'ga-ga'gaya ngaseng pakeanna. Nampa naalleang ngaseng pakeanna ke'nanga, na naerang napassareang mae ri anjo tallumpuloa tau antappuai tappu-tappuanna. Le'baki anjo ammotere'mi mae ri balla'na siagang lussa' pa'mai'na.