HAGAI 2:6 - KITTA' MATANGKASA'

⁶ Lalang ri anne wattu ambania laKupa'goccangi langika siagang buttaya, bontoa siagang tamparanga.

HAGAI 2:6 Referans Kwoze

YESAYA 10:25

Sinampe'ji nammari larroKu mae ri kau, nampa Kuancuru' anjo ke'nanga.

LAMPA-LAMPANA 2:19

Lappa'niakKa' apa-apa appakalannasa' rate ri langika, siagang gau'-gau' tantamaya ri akkala'nu irawa ri anne linoa; lania' cera' siagang pepe', umbu siagang saliu'.

YO"EL 3:16

Ammammuki Batara battu ri Sion, iamintu bulu'Na; battu ri Yerusalem a'gunturu' sa'ranNa. Langika siagang buttaya ta'goccangi napakamma. Mingka tuli laNaalleangngangi siagang Najagai Batara iamintu Israel, umma'Na.

YESAYA 29:17

Nia' paruntu' kana kamma anne, “Tasalloami na'jari pa'lamung-lamungammo romang lompoa, na butta pa'lamung-lamunganga a'jari romang lompo.”

IBRANI 10:37

Nasaba' nia' tattulisi' lalang ri Kittaka angkanaya, “Sinampe' mami nalania'mo battu Ia lalintaka battu; talaNapamonokami wattu kabattuanNa.

YEHEZKIEL 38:20

Kabusu'na jukuka siagang jangang-janganga, sikontu olo'-olo' lompoa siagang ca'dia, kammayatompa sikontu rupataua ri lino, lannekkereki napakamma malla' andallekangA'. Laruntungi sikamma monconga, lala'boroki sikamma ta'binga, siagang larumbangi sikamma temboka.

YEREMIA 51:33

Tasalloami nanibeta ke'nanga siagang nionjo'-onjokang ri musua rapang gandung ri tampa' panggilinganga. INakke, Batara Kaminang Koasaya, iamintu Allata'alana Israel, anne akkana.”

YESAYA 34:4

Mataalloa, bulanga siagang sikamma bintoenga laancuruki. Langika lanigulungi sanrapang gulungang karattasa'. Latu'guruki sikamma bintoenga rapang leko'-leko' kayu runanga battu ri poko' kayua.

PAMMUJI 37:10

Tau ja'dalaka lanipa'lanynyaki linta', taenami, punna niboyai.

PAPPICINI' 11:9

Lanicini'mi maya'na ke'nanga ri sikontu bansaya, sukua, bahasaya, siagang sikontu pa'rasanganga tallungallo assitangnga sallona; siagang tanipa'biangai nikuburu' anjo maya'na ke'nanga.

AYUB 9:6

Napage'gosoki Allata'ala buttaya sa'genna ta'goccang linoa, siagang a'gio' benteng pattumpa'na linoa.

PAMMUJI 18:7

Makkioka' ri Batara lalang ri kasukkarangku, makkioka' ri Allata'alaku appala' pannulung. Battu ri Balla'na Nalangngereki sa'rangku na Naparhatikang pakkiokku.

YESAYA 2:19

Ri wattu ammentenna Batara siagang Napage'goso' buttaya, lantamaki taua ri sikamma kali'bong batu niaka ri bulu'-bulu' batu karanga, yareka angngekei kali'bong antama' ri buttaya sollanna ta'lappasa' ke'nanga battu ri pangngalarroinNa siagang koasa kala'biranNa Batara. Punna battu anjo alloa, lanibokoi bawammi sikamma barhala-barhala peraka siagang bulaeng napareka nampa nasomba ke'nanga, na'jari balao mami siagang pa'nyikia mami pata.

YESAYA 13:13

LaKupannekkereki langika siagang lata'ge'gosoki buttaya battu ri tampa'na ri wattunna Kupappicinikang larroKu, Batara Kaminang Makoasaya.

YEREMIA 33:14

Nakana Batara, “Lanarapiki sallang wattunna naKurupai janji le'baka Kupare' siagang Israel siagang Yehuda.

YEHEZKIEL 38:19

Siagang sanna' larroKu nalaKuangngancang, angkana ri anjo alloa lania' kajariang lompo ri Israel, iamintu lata'ge'gosoki buttaya ri Israel.