Biblia Todo Logo
Bib sou entènèt

- Piblisite -




HAGAI 2:19 - KITTA' MATANGKASA'

19 Manna pole natenamo gandung ammantang, siagang poko' anggoro', poko' ara, poko' delima siagang poko' zaitunga tenapa kabusuppa na'rappo, mingka appakkaramula anne wattua laKubarakkaki ngaseng mako!”

Gade chapit la Kopi




HAGAI 2:19
19 Referans Kwoze  

Erang ngasengi bage sampulona panggappannu mange ri BallakKu sollanna nia' kanre alla'bi-la'bi anjoreng. So'riMa', nalanucini' angkanaya Kusungkei sikamma pakke'bu'na surugaya siagang Kupila'juiko kabajikang.


Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.


Saba' Karaeng Allata'ala pa'la'langanta siagang Karaeng Malompo, assidakkiaki' pangngamaseang siagang kalompoang. Tale'bakai Natolla' apa bajika mae ri tau tenaya callanna ri tallasa'na.


Pakasannangi pa'mai'nu na nurella assarei anjo taua, na Nabarakkaki Karaeng Allata'alanu sikontu usahanu.


Appakioro'mi bine siagang a'lamung-lamummi Ishak anjoreng ri pa'rasanganga. Nanggappamo wassele' a'lappi sibilangngang battu ri apa napakioroka, lanri nibarakkakinna ri Batara.


Yareka sanrapang saliu' ri Moncong Hermon, turunga mae ri Bulu'-bulu' Sion. Anjorengi Napaturung Batara barakka'Na, katallassang satunggu-tunggua.


Labattui ke'nanga mange ri Bulu' Sion accaya nicini' rupanna, akkelong a'rannu-rannu lanri sikontu passareKu mae ri ke'nanga, iamintu gandung, minynya', anggoro', sapi siagang gimbala'. Rapang ke'nanga koko ga'ga gannaka ri je'ne, siagang tena kakurangang apa-apa.


Sikamma imanga Kupassukkuki ganna'na siagang kanre-kanreang; siagang sikontu ummakKu ia parallua laKusarei. INakke, Batara, anne akkana.”


Poko' rappo-rappoa ri paranga a'jari kalotoro' ngasemmi; poko' anggoro', appele', ara, koro'ma siagang delima. Na tarannuamo pa'mai'na ra'yaka.


Barang ero'ji Karaeng Allata'alanu ampinrai ero'Na, na Nabarakkakiko alla'bi-la'bi. Sa'gennu akkulle ngaseng angngerang passare koro'bang anggoro' siagang gandung mae ri Batara, Allata'alanu.


LaNahukkungko Batara siagang garring-garring a'lette'-letteka, garring akkambang-kambanga siagang rammusuka. Lappabattui timoro' karring siagang anging appakamutunga sa'genna panra' lamung-lamunnu. Anjo balaya tulusu' lania'na battu antujuko sa'gennu panra'.


Apaka akkullei nurannuang ampasse'reangko kattoannu nampa naerang mae ri pa'lessorannu?


Kupabattui kakalotoranga mae ri buttaya siagang bulu'-buluka, mae ri koko-koko gandunga, koko-koko anggoroka siagang koko-koko zaitunga, kammayatompa mae ri sikontu lamung-lamung niaka ri anne buttaya, ba'lalo mae ri rupataua siagang olo'-oloka, kammayatompa mae ri sikontu apa nuusahakanga.”


Swiv nou:

Piblisite


Piblisite