HAGAI 2:18 - KITTA' MATANGKASA'

¹⁸ Anne alloa, tanggala' ruampulo angngappa' bulang salapang, le'ba'mi nitannang pundasi ballakKu! Parhatikangi apa lakajarianga appakkaramula anne wattua.

HAGAI 2:18 Referans Kwoze

ZAKHARIA 8:9

Nakana Batara mae ri umma'Na, “Pakajarreki pa'mai'nu! Kamma-kamma anne nulangngereki kana-kana ia le'baka todong napau sikamma na'bia ri wattu nipadongko'na batu pundasia, untu' ambangungi BallakKu ammotere'.

HAGAI 2:15

Nakana Batara, “Cobasai parhatikang apa le'baka kajariang rioloanganna anne alloa, iamintu ri tenanapa nanibajiki anne BallakKu! Antekamma pattallassannu anjo wattua?

ZAKHARIA 8:12

Lappakioroki bine ke'nanga siagang amang. La'rappoi poko'-poko' anggoro'na ke'nanga, lanisarei wassele' ke'nanga battu ri buttaya, siagang laturungi alla'bi-la'bi bosia. Sikontu anjo barakkaka Kupassareangi mae ri sikamma tau attallasaka ija battu ri anne bansaya.

PAOLE 32:29

Apa saba' nanibeta ke'nanga, tena napahangi; tanapahangngai apa anjo kajarianga.

HAGAI 2:10

Ri tanggala' ruampulo angngappa' bulang salapang, lalang ri taung makarua ri pamarentahanna Karaeng Darius, a'bicarami pole Batara Kaminang Koasaya mae ri Na'bi Hagai.

ZAKHARIA 4:9

Nakana, “Zerubabel le'ba'mi napadongko' batu pundasina BallakKu, siagang ia lampa'le'baki sikontu anjo bangunanga. Punna kajariammo anjo kammaya, lanaassemmi ummakKu angkanaya iNakke assuroi Zakharia battu mae ri ke'nanga.

KAIMANGNGANG 19:25

Lalang taung makalima nampami akkulle nukanre rapponna. Punna nugaukang ngaseng sikontu anjo paratoranga, lapila' jai rapponna anjo poko' rappo-rappoannu. INakke Karaeng Allata'alanu.

EZRA 4:24

Nipammarimi nijama pambangunanna Balla'Na Batara ri Yerusalem siagang tenamo nanipannarrusuki sa'genna ri makaruang taunna ammarenta Darius, karaeng Persia.