HAGAI 1:9 - KITTA' MATANGKASA'

⁹ Manrannuangko wassele' jai, mingka kale'bakkanna sike'de' duduji nugappa; nuerangi ammotere', mingka Kutuiki anjo erang polenu, sa'genna cappu' niri'bakang ri anging. Angngapa naKugaukang anjo kammaya? Saba'na iamintu: Lanri anjo BallakKu ammantanginji kamma tambungang loro, nampa a'gassingang ngasengko massing ambangungi balla' kalennu.

HAGAI 1:9 Referans Kwoze

HAGAI 1:4

“He ummakKu, maka narapi'mi wattunnu untu' ammantang lalang ri balla' bajika siagang kassaka, nampa BallakKu tuli sangkammana tambungang loro?

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.

MALEAKHI 2:2

Pakalompoa' lalang panggaukannu. Punna taerokako ampilangngeri kanangKu, laKutunraiko. Sikontu apa nutarimaya salaku dalle' latappinrai a'jari pattunra. Sikontutojenna, sikontu anjo apa bajika le'ba'mi Kutunrai, lanri tena nujampangi parenta-parentaKu.

HAGAI 1:6

Appakioro' mako jai bine, mingka sike'de'ji alle polenu. Nia' kanrenu, mingka tanggannakkai untu' ambassori battannu. Nia' anggoro'nu, mingka tanggannakkai untu' ampassukkuki pakkasia'nu. Nia' care-carenu, mingka tanggannakkai untu' angkammuki kalennu. Siagang gaji nagappaya kuli'-kulika tanggannakkai untu' ansambungi tallasa'na ke'nanga.

YESAYA 40:7

Rukuka a'jari kalotoro', bungaya a'jari kalumeng, punna Napatui' Batara anging bambanga. Tojeng, anjo bansaya rapangi ruku'.

PAPPICINI' 2:4

Mingka nia' Kukabattallang mae ri kau ngaseng, iamintu: Tenamo nanukamaseangA' sangkamma ri pakaramulanna.

AYUB 10:2

O, Allata'ala, teaKi' salakangia' inakke; Kipisingarianga' angngapa na inakke Kibaliang.

2 KARAENG-KARAENG 19:7

Batara lampakamallaki anjo karaeng Asyur sollanna naparhatikang kabara' anginga sa'genna ammotere' mae ri pa'rasanganna, siagang anjorengi lanibuno.”

2 SAMUEL 22:16

Ammumbai dapara'na tamparanga siagang tassungke dapara'na buttaya ri wattu larroNa angga'garaki musunNa

2 SAMUEL 21:1

Ri wattu ammarentana Daud, le'baki naalle cipuru' lompo taua tallun taung sallona. Nampa appala'mo pangngunju' Daud mae ri Batara lanri anjo passalaka, na Nakanamo Batara, “Anjo bala kacipuranga passabakkang kasalanna Saul siagang kaluargana, iamintu lanri nabunona tu Gibeon.”

PANGNGEBARANG 27:20

Ri linona tau matea, tuli nia' tampa'; kamma tomminjo kaerokanna rupa taua tena sanggana.

KATO'BA 1:8

Yangasenna appakalanre, siagang appakalanre tena anjorenganna. Tena bassoro'na matanta accini'; tena sukku'na tolinta allangngere'.

YEHEZKIEL 21:31

LaKupa'betteseki larroKu a'rinra-rinraya mae ri kau. Siagang laKupassareangko mae ri tau sekkeka, siagang le'baka nilati untu' ammanraki.

KAIMANGNGANG 19:25

Lalang taung makalima nampami akkulle nukanre rapponna. Punna nugaukang ngaseng sikontu anjo paratoranga, lapila' jai rapponna anjo poko' rappo-rappoannu. INakke Karaeng Allata'alanu.

PAOLE 28:38

Jai bine nupakioro', mingka sike'de'ji wassele' nugappa, lanri la'busuki lamung-lamunnu nikanre ri katimbang.

PANGNGEBARANG 11:24

Nia' tau nangai assare, mingka pila' kalumanynyangi, nia' tau gi'giliki, mingka pila' kasi-asi puppusuki.

YESAYA 5:10

Tena nala'jari wassele' buttana, koko anggoro'na niaka sampulo hetto luara'na, sampuloji litere' je'ne' anggoro' wassele'na. Sibilangngang litere' bibi' gandung nalamung, na sampuloji litere' wassele'na.”

YEREMIA 12:13

UmmakKu appakioroki gandung, mingka katinting nagappa. Akkareso lompoi ke'nanga, mingka tena nanggappa wassele' ri usahana ke'nanga. Teai sitapo' larroKu sa'genna sala ngaseng kattoanna ke'nanga!”