HAGAI 1:8 - KITTA' MATANGKASA'

⁸ Kamma-kamma anne, nai' mako ri bulu'-buluka untu' angngalle kayu, nampa bangummi BallakKu; na lasannammi nusa'ring siagang lanisombaMa' ammotere' sangkamma siratannaya. Coba sai, parhatikangi pattallassannu!

HAGAI 1:8 Referans Kwoze

EZRA 3:7

Anynyumbang tommi doe' ra'yaka untu' anggaji tukang batua siagang tukang kayua. Akkiring tommi ke'nanga kanre, inungang siagang minynya' zaitun mange ri kota-kota Tirus siagang Sidon untu' nipassambe siagang kayu camara Libanon battu ri anjo kota-kotaya. Anjo kayu-kayua nierangi mange ri Yafo ammalo tamparang. Yangasenna anjo nagaukangi ra'yaka situru' ising napassareanga Kores, karaeng Persia.

2 PATTOTTORANG 7:16

Yangasenna anjo laKugaukangi lanri anne tampaka le'ba'mi Kupile siagang Kutangkasi untu' a'jari tampa' panynyombang mae ri Nakke sa'genna satunggu-tungguna. LaKuparhatikangi siagang Kujagai satunggu-tungguna.

HAGAI 2:7

Sikontu bansaya laKupata'bangkai siagang pa'barang-baranganna ke'nanga lanierangi mae, sa'genna larassi BallakKu battu ri kakalumanynyangnganna ke'nanga.

1 KARAENG-KARAENG 9:3

Nakanamo Batara ri ia, “Kulangngere'mi pappala' doannu, siagang kamma-kamma anne Kupaumi angkanaya anne balla' le'baka nubangung Kupa'jarimi tampa' matangkasa' untu' passambayangannu mae ri Nakke satunggu-tungguna.

KALAPPASSANG 29:43

AnjorengA' lasibuntulu' siagang bansa Israel, na cayana kahaderangKu lampa'jari matangkasaki anjo tampaka.

HAGAI 2:9

BallakKu berua lala'bi la'birangngangi narioloa, siagang anrinniA' lassare kaamangngang siagang kasalewangang mae ri bansaKu.” Batara Kaminang Koasaya anne akkana.

YESAYA 66:11

Lanukasiaki kacopponganna rapang sitau ana' lolo anynyusu ri amma'na.

YESAYA 60:13

Kalompoanna romang Libanon lanilalingi mae ri kau poko' kayu berangang, camara, siagang eru untu' ampaccayai BallakKu, siagang angga'gai tampa' pangngonjokangKu.

YESAYA 60:7

Bembe siagang gimbala' battua ri Kedar nierangi mae ri kau sadiai gimbala' laki battua ri Nebayot untu' ibadanu. Anjo koro'banga napakasannangi atinNa Batara napaccayai Balla'Na rassia kala'birang.

EZRA 6:4

Rinrinna musti kamma anne pare'na: bageang irate tallu lapisi' batu musti nilapisiki silapisi' kayu. Ongkoso'na natanggongi yareka niallei battu ri doe' kakaraenga.

1 KARAENG-KARAENG 6:1

Napakaramulai Salomo ambangungi Balla'Na Batara ri bulang Ziw, iamintu bulang makarua, lalang taung makaappa'na ammarenta, yareka 480 taung le'ba'na bansa Israel ambokoi Mesir.

HAGAI 1:7

Tena nusadara' ri kalennu angkanaya angngapai nakajariang anjo kammaya?

1 PATTOTTORANG 22:19

Jari paralluko anynyomba mae ri Karaeng Allata'alanu lalang sikontu nyawanu siagang batangkalennu. Appakkaramula mako ambangung balla' untu' Batara, sollanna akkulle niboli' anjoreng Patti ParjanjianNa siagang sikontu pakkakasa' maraenganga ia eroka nipake anynyomba ri Ia.”