HABAKUK 2:16 - KITTA' MATANGKASA'

¹⁶ Kamma-kamma anne narapi'mi wattunnu untu' nipakasiri', siagang tena nanipakalompoko. Kalompoannu lanipinrai a'jari katunang. LaNapassako Batara angnginung battu ri cangkiri' niboneia ri hukkungang untu' kalennu. Lanuinungi nampa ta'royong-royongko.

HABAKUK 2:16 Referans Kwoze

YESAYA 47:3

Lanacinikko taua assolara', nihina siagang nipakasiri'. ErokKa' a'balasa' mae ri kau, na tena manna sitau laKupata'lappasa'.”

PAPPICINI' 18:6

Appanggaukang mako mae ri ia sangkamma batena appanggaukang mae ri kau ngaseng; balasaki a'lappi rua sikamma apa le'baka nagaukang Bonei mangko'na inungang a'lappi ruaya terasa'na nainungang napasadiaya untu' ikau ngaseng.

FILIPI 3:19

Mingka lapossoki kale'bakkanna katallassanna anjo tau kammaya; nasaba' rewata nasombaya lalang ri katallassanna ke'nanga, iamintu apa-apa nakacinnaia kalenna ke'nanga. Sangnging apa-apa appakasirikaji ba'lalo nakalompoang pa'mai' ke'nanga; nasaba' apa-apa ri iaji anne pakkalinoanga bawang nanawa-nawa ke'nanga.

HOSEA 7:5

Ri allo passua'-suarranna karaenga, napainungi ke'nanga karaenna siagang sikamma pagawe-pagawena karaenga sa'genna nasa'ring siagang nagaukang katoloanga. Kale'bakkanna assannang-sannammi karaenga siagang sikamma anjo tau a'bali' ballanga.

HOSEA 4:7

Pila' katambangko jainu, pila' doraka tommako mae ri Nakke, he ikau sikamma imanga! Lanri kammana anjo laKupinrai pattallassannu: Tenamo nulanipakalompo, passangalinna lanihina mako.

PIRAUNG 4:21

He bansa Edom siagang Us, ammakkala' mako, rannu mako lalang nukullena! Balaya labattu tongi mae ri kau na lanusolarri kalennu lanri nasa'ringko.

YEREMIA 51:57

LaKupa'jari nasa'ringi sikamma pagawena Babel – sikamma tau cara'de'na, sikamma pamimpinna siagang tantarana. Tenamo nalambangung-bangung ke'nanga ammotere', attinromi sa'genna satunggu-tungguna. INakkemi le'ba' a'bicara; iNakkemi Karaeng, iNakke Batara Kaminang Koasaya.

YEREMIA 25:15

Batara, Allata'alana Israel, Nakana ri nakke, “Allei anne kaca anggoro' le'baka Kubonei anggoro' pangngalarroingKu. Erangi mange ri sikontu bansa nupa'lampaia Kusuro, siagang suroi ke'nanga angnginungi anne anggoroka.

YESAYA 49:26

LaKupa'jari sikamma musunnu palla' ero' ammuno, sa'genna para ia sibuno-buno. Nalanaasseng sikontu umma' rupataua, angkanaya iNakke, Batara, Mappasalama'nu; Kaminang Kassaka, Allata'alana Yakub, Mappasulu'nu.”

YESAYA 20:4

Lanaallei karaeng Asyur natahang taua ri anjo ruaya pa'rasangang siagang laniembai ke'nanga assolara'. Tau toa tau rungka, yangasenna la'jappai tammake baju siagang pa'lapa' bangkeng nakacinikang pajana, a'jari tanra nihinana tu Mesir.

PANGNGEBARANG 3:35

Tau cara'deka pila' mabauki arenna, mingka tau toloa pila' nicallai.

PAMMUJI 75:8

Mingka KalenNa Allata'ala angngadeli, Ia ampanaungi tau se'rea na napakatinggi maraenga.

YEREMIA 25:17

Jari kuallemi anjo kaca pangnginungang anggoroka battu ri limanNa Batara; nampa a'lampa' mange ri sikontu bansa kupa'lampaia Nasuro Batara; nampa kupainung ke'nanga anjo anggoroka.

YEREMIA 51:7

Riolo Babel rapangi cangkiri' bulaeng Kuta'gala' ampa'jari sikontu linoa nasa'ring. Bansa-bansaya angnginungi anggoro' battu ri cangkirika, sa'genna a'jari pongoro' ke'nanga.

YEHEZKIEL 23:33

Cangkiri'na daennu iamintu Samaria, kamallakkang siagang kaancurang bonena. Le'baki nuinung sikontu bonena lanasa'ringko nusessa. Na battu ri reppe'-reppe'na anjo cangkirika lanukere'-kere' barambannu. INakke, Batara Kaminang Tinggia, anne akkana.”

HABAKUK 2:10

Mingka anjo rancananu poro kasirikang bawang naerang mae ri kaluarganu. Lanri nuella'na jaia bansa, na nurugikammo kalennu.

HABAKUK 2:15

Nitunraiko ikau! Nuhinai siagang nupakasiriki singngampi'-ampi' balla'nu; nupa'jari ke'nanga ta'royong-royong rapang tau nasa'ring.