HABAKUK 1:15 - KITTA' MATANGKASA'

¹⁵ Bansa Babel najakkalaki taua siagang pekang, rapang angkana anjo ke'nanga juku'. Anjo taua nare'resangi lalang jala siagang sannang-sannammi anjo tu Babel lanri anjo wassele' nagappaya ke'nanga.

HABAKUK 1:15 Referans Kwoze

AMOS 4:2

INakke, Batara Kaminang Tinggia, iamintu Batara matangkasa', siagang le'ba'Ma' a'janji angkanaya lanire'resangko sallang siagang pakkai'; lasinrapang ngasengko juku' ri mata pekanga.

YEREMIA 16:16

Nakana Batara, “LakkiokKa' jai paboya juku' untu' anjakkalaki anne taua. Nampa lakkiokKa' jai pasoso' untu' assosoki ke'nanga ri sikamma monconga siagang buluka, siagang ri sikamma leang-leang batua.

PAPPICINI' 11:10

Lamarannui tuma'buttaya ri lino lanri matena anjo ruaya sa'bi. Lassua'-suaraki ke'nanga siagang massing lasikiringi ke'nanga hadia, lanri iaminjo ruaya na'bi le'ba' angngerang passessa mae ri sikontu rupataua ri lino.

MATIUS 17:27

Mingka takkulleaki' ansusai nyawana anjo taua. Jari a'lampamako mange ammekang ri tamparanga. Allei juku' uru nubantunga. Nia' doe' lanugappa lalang ri bawana anjo jukuka, anggannaka lanipa'bayarrang sima sipa'rua! Allei anjo doeka, nampa nubayara' simata mange ri Balla'Na Batara!”

YEHEZKIEL 35:15

sangkamma todong sannannu ri wattunna a'jari sino Israel Kupatanga. Moncong-moncong Seir, ba'lalo sikontu Butta Edom la'jari sino sikali. Jari sikontu taua lanaassemmi angkanaya iNakkemi Batara.’ ”

YEHEZKIEL 26:2

“He tau, a'rannu-rannui pandudu'na Tirus na nakana, ‘Ancuru'mi Yerusalem! Lanynya'mi kagassinganna lalang ri pa'dangganganga! Tenamo niagang a'bali lalang pa'danggangang!’ ”

YEHEZKIEL 25:6

Nakana Batara Kaminang Tinggia, “Attempa limako siagang a'rannu-rannuko. Nupakatunai butta Israel.

YEREMIA 50:11

Nakana Batara, “He tu Babel, nuellaki ummakKu. A'lumpa'-lumpakko napakamma rannu rapang jarang assa'raya, siagang rapang sapi a'rukuka.

YESAYA 19:8

Sikamma paboya jukuka, ia biasaya anjakkala' juku' ri anjo binangaya lakkunrarengi siagang lappiraungi lanri tenamo matu-matunna pekanna siagang jalana ke'nanga. Sikamma patannunga tappu' minasami;

MATIUS 13:19

Anjo bine takkioroka ri aganga, iaminjo a'jari pangngebarang mae ri tau allangngerekami ri passala' antekamma bateNa Allata'ala ammarenta, mingka tanapahangai anjo kabaraka. Battui kaja'dallanga angngalleangi anjo apa le'baka nipakioro' ri atinna ke'nanga.

YEREMIA 5:26

He ummakKu, nia' ri alla'nu tau ja'dala'. Sanrapang tau attayanga sikko' natannang untu' anjakkala' jangang-jangang, kamma tomminjo ke'nanga attannangi sikko' untu' anjakkalaki taua.

HABAKUK 1:14

Angngapa rupataua naKikanai sangkamma juku' ri tamparang, siagang rapang kaluara tenaya pamimpinna?

HABAKUK 2:5

Anjo kakalumanynyanganga tuli appa'dongo'-dongoki. Anjo tau angngoaya tampoi siagang lussaki. Rapang kamateang, tena todong nale'ba' sukku' nasa'ring; tasse're-se're bansa naallei nakammai.