HABAKUK 1:11 - KITTA' MATANGKASA'

¹¹ Nampa linta' kamma anging a'lampa ngaseng anjo tau ampare' rewatayai kagassingang kalenna.”

HABAKUK 1:11 Referans Kwoze

DANIEL 5:20

Mingka ri wattunna a'jari tampo, kapala batu siagang palla', nigulummi battu ri kakaraenganna sa'genna tappela'mo kala'biranna.

YEREMIA 2:3

Israel, iNakke KalengKu ampatangko, Kusayanga lalang ri pa'maikKu. Kupitujui bala sikontu tau ansessayako, iNakke, Batara, anne akkana.”

HABAKUK 1:16

Nampa anjo jalaya nasombai ke'nanga siagang nasarei koro'bang, nasaba' lanri iaminjo jalaya nanggappamo ke'nanga dalle' alla'bi-la'bi siagang a'jari kalumanynyang.

AYUB 12:6

Mingka katallassanna paellaka tena niancangi; tau barania ambaliangi Allata'ala, amangi tallasa'na. Na rewataja a'jari panrannuanna ke'nanga, kagassingang kalennaji bawang napattoang.

YESAYA 10:13

Lompo bicarami karaeng Asyur, nakana, “Yangasenna anjo kugaukangi lanri kagassingang kalengku. Inakke cara'deka' siagang porea'. Kupelaki pa'baeng-baenna bansa-bansaya, kurampasaki parsadiaanna ke'nanga. Rapang tedong romang, kuonjo'-onjokangi sikamma tau ammarentaya.

YEREMIA 9:22

Tassiara'mi mayaka ri kere-keremae sanrapang loro irate ri buttaya; rapang gandung le'baka nikatto nampa nibokoi nampa tenamo nanipasse'rei. Iaminjo pasanNa Batara mustia kukabarrang.”

DANIEL 4:27

Lanri kammana anjo, kupalaki nakipilangngeri anne pappakainga'na atanta. Tea' maki' dorakai pole karaeng, mingka gaukammi apa bajika siagang adeleka, kammayatompa kamaseangi tu kasi-asia. Lanri kammana anjo nalatulusu' mate'ne karaengku.”