GALATIA 6:4 - KITTA' MATANGKASA'

⁴ Parallui taua massing naparessa kalenna, maka bajiki panggaukanna yareka tena. Punna ma'nassa baji' tojeng kalenna, akkullemi lompo pa'mai'na. Mingka teami napareki kalenna pa'baku' mae ri panggaukanna tau maraenga.

GALATIA 6:4 Referans Kwoze

2 KORINTUS 13:5

Coba sai paressa kalennu, maka attallasa' tojeng-tojeng mako situru' matappa'nu mae ri Almasi? Ma'nassa langngu'rangiko angkanaya niaki Isa Almasi lalang ri kalennu! Simmaraengi punna tena nutappa' tojeng-tojeng.

PAMMUJI 26:2

Kiparessama', o, Batara, siagang Kiso'rima', paressami kaerokangku siagang nawa-nawangku.

1 KORINTUS 11:28

Jari, parallui massing naparessa kalenna tasse're-se'rea tau nampa akkulle nakanre anjo rotia siagang nainung anjo anggoroka.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

LUKAS 18:11

Anjo tu Farisia akkale-kalemi ammenteng nampa appala' doang lalang ri atinna nakana, ‘O, Allata'ala, appala' sukkurukka' mae ri Katte, lanri tena kusangkamma tau maraenga; tena kusangkamma tau angngoaya, tau jekkonga, yareka tau a'gau' bawanga. Appala' sukkurukka', lanri tena kusangkamma anjo pasingara' simaya.

PANGNGEBARANG 14:14

Tau ja'dalaka lanakattoi wassele' kaja'dallanna, tau bajika lanakattoi rappo kabajikanna.

AYUB 13:15

Tena kujampangi lanri tappu' minasama'! Punna ero' Allata'ala ambunoa', kupassareang mami kalengku, mingka kupattojengi panggaukangku ri dallekanNa.

GALATIA 6:13

Kamanna tau anturukiai paratorang sunnaka tena tonja nagaukangi hukkung-hukkung agamaya. Mingka nakellaiko ke'nanga nisunna', sollanna akkulle napattampo-tampoang ke'nanga lanri nuturukinna anjo paratoranga.

1 KORINTUS 3:8

anjo ruaya sangkammai. Massing lanatarimai pahalana situru' pakkaresoanna.

1 KORINTUS 3:14

Punna parrang ri pepe' anjo bangunang nibangunga irateanna anjo pondasia, lannarimami hadia anjo tau ambangunga.

FILIPI 1:26

Lanri kammana, punna ammoterekka' sallang mae ri kau, asse'reamo siagang Isa Almasi, lapila' jaimi alasannu angkalompoang pa'maiki kalengku.