Biblia Todo Logo
Bib sou entènèt

- Piblisite -




GALATIA 6:1 - KITTA' MATANGKASA'

1 Sikamma sari'battangku! Punna nia' tau nugappa a'gau' dosa, ikau nipimpinga ri RohNa Allata'ala parallui nuerang ammotere' anjo taua mange ri oloang annabaya. Mingka musti tuna pa'maikko anggaukangi, siagang katutui kalennu sollanna tena nunataba todong paccoba.

Gade chapit la Kopi




GALATIA 6:1
41 Referans Kwoze  

Ikatte tau tappa' tojeng-tojenga ri apa nipatappaka musti sa'barakki' punna akkabaratangi tau lammaya tappa'na mae ri katte. Takkulleaki' kasannangang kalenta bawang niboya.


mingka teako pa'jari musui anjo taua; passangalinna pakaingaki sangkamma sari'battannu.


Musti tunai angngajaraki tau nangaia pabali-bali; barang nisareji kasampatang ri Allata'ala anjo ke'nanga untu' a'jari toba' battu ri dosa-dosana siagang naasseng pangngajarang tojenga.


Punna nia' nucini' parannu tu Karisteng a'gau' dosa natenaja nangngerang kamateang, paralluko appala' doang ri Allata'ala; nalanisaremo katallassang anjo taua. Anne natabaya iamintu tau a'gau' dosaya, mingka tenaja nangngerang kamateang. Mingka nia' gau' dosa angngerang kamateang; tena nakukana musti appala' doangko mae ri Allata'ala lanri anjo passalaka.


Anne kamma musti nupammopporammi, siagang parallui nupakajarre' pa'mai'na sollanna tena nasi'na dudu pa'mai'na sa'genna tappu' panrannuang.


Oloang lapparaka tuli nuolo a'jappa, sollanna tena natassala ura'na anjo bangkeng lammanu, mingka a'jari bajiki ammotere' ba'lalo.


Mingka lalang ri pa'mai'nu, parallui Almasi bawang nupakalompo situru' empoanNa salaku Batara. Siagang paralluko tuli sadia ampiali sikamma tau akkuta'nanga mae ri kau ri sesena panrannuang niaka ri kau.


Musti nutarimai siagang baji' tau lammaya tappa'na sangkamma sari'battannu. Teako a'geakki siagang ia ri passala' panggappana.


Ia tappelaka laKuboyai, ia lingua laKuerangi ammotere', ia lokoka laKurokoki loko'na, ia garringa Kuballei; mingka co'moka siagang gassinga laKupanraki, lanri iNakke pakalawaki anggaukangi apa bajika.


Inai-nai nakana kalenna kassa' ri pammentenganna, parallui tutu, sollanna tena natu'guru'.


Jari pilei mami apa la'bi nungaia! Apa erokko nakuterassi bateku angngajarakko punna battua' mae ri kau, yareka kulammai siagang kupakkamaseangi?


Ikatte a'mole-mole ngasengki' appare' kasalang. Mingka inai-nai tena le'baka appare' kasalang lalang ri bicaranna, iami tau sukku', akkullea angkoasai sikontu batangkalenna.


Kamma-kamma anne, kalengku Paulus, nia' ero' kupabattuangko. Inakke anne, turu' kananna taua, sanna' tunana kana-kanangku punna sidallekanga' siagang ikau ngaseng. Mingka punna sikabellaiki' sanna' baraniku. Jari, lanri tunaNa siagang kabajikanNa Almasi,


Pappilajarimi apa battuanna niaka nipau lalang ri Kittaka angkanaya: ‘Pangngamaseang Kukaeroki, jari teai koro'bang olo'-olo'’. Nasaba' iaji Kunia' battu lanri tu dorakaya ero' battu Kukio', jari teai tu tojenga.”


Punna nia' tau naassengi kalenna angkanaya nia' pakkullena untu' ampabattui anjo biritta battua ri Allata'ala, yareka nia' pakkulle maraeng natarima battu ri RohNa Allata'ala, anjo taua musti nasadari angkanaya parenta battu ri Batara anne kutulisika.


Teako assikabellai salaku tau akkalabini. Akkulle jako assikabellai untu' poro sinampekang punna assamaturu' jako. Sollanna punna kamma, akkulleko sipappala' doangang natena nunggappa paccoba. Mingka musti ammoterekko sikambani salaku tau akkalabini. Punna takammaya, akkulleko ninyonyo' ri setanga, nasaba' takkulleai nutahang hawa napasunu.


Inai-nai nikoasai ri RohNa Allata'ala, akkulle ngasengi napahang sikontu apa-apaya; mingka kalenna anjo taua manna sitau tania' akkulle ampahangi.


Punna nikoasai pikkirannu ri sipa'-sipa' ma'rupataua, kale'bakkanna lanugappai kamateanga. Mingka punna nikoasai pikkirannu ri RohNa Allata'ala, kale'bakkanna lanugappai katallassanga siagang passiamakkanga siagang Allata'ala.


Amminawang mako ri parentaKu, siagang appilajara' mako ri Nakke. Nasaba' inakke baji' pa'maikKa' siagang sa'barakKa'. Jari lasannammi nusa'ring.


Punna nia' tau cara'de' siagang baji' ateka' ri tangnga-tangnganu, parallui napappicinikang katallassang bajika, nagaukangi apa-apa bajika, kammayatompa cara'deki na tuna pa'mai' ri katallassanna.


U'rangi tau niaka lalang ri tarungkua, sanrapang angkana nia' tongko lalang ri tarungkua siagang ke'nanga. Kammayatompa u'rangi tongi tau nigau' takamma-kammaya, sanrapang angkana ikau nipakamma tongko anjo.


tuna pa'maiki, siagang akkullei nalewai kalenna. Tena hukkung agama ampappisangkangi anjo sikammaya.


Ri se'reang karueng, ambangung tinrona Daud, a'jappa-jappai irate ri pattongko' lappara'na balla' kakaraenganga. Battu anjoreng nia'mo sitau baine sitabang a'je'ne', na teai sipato' ga'gana anjo bainea.


Sikontutojenna sari'battangku ngaseng, takkullea' a'bicara ri kau ngaseng sangkamma tau nikoasaia ri RohNa Allata'ala. Mingka sanrapanja' bawang a'bicara tu mannurukia ri ero'na anne linoa; sanrapanga' ana' loloa lalang ri katappakkanga mae ri Almasi.


Nau'rangimi Petrus le'baka Napau Isa ri ia angkanaya, “Ri tenanapa nattingkoko janganga na pintallumMa' nusassali.” Assulukammi Petrus angngarru', si'na pa'mai'na.


Anjo wattua sitabang niaki Petrus ammempo pantarang ri paranglakkenga. Nia'mo kalase'renna baine palayang battu angkana ri Petrus, “Sai siagang tongko anjo Isa tu battua ri Galilea?”


Punna nia' tau baji' ampakaingaka', siagang lambusuki pa'mai'na angngajarakka', iaminjo sanrapang minynya' kaminang baji' mae ri nakke. Poro tena lalo nakutollaki, saba' tulusu' appala' doangku ambaliangi kaja'dallanna ke'nanga.


Poro tuli nibarakkaki ngasengko ri Batarata Isa Almasi. Aming. Sallangku, Paulus


Lanri kammana, sikamma sari'battangku, paralluko angngalle conto battu ri kambe, antekamma batenu musti attallasa' sollanna nupakasannang pa'mai'Na Allata'ala. Memang kamma-kamma anne sangkammami anjo katallassannu. Mingka kamma-kamma anne lalang koasaNa Batara Isa, napala' tojeng-tojengi ikambe siagang kisekeki ngasengko sollannu pila' appattujuang pole ilalang ri anjo passalaka!


Jari kupalaki ri kau ngaseng, sollanna nupappicinikang pole mae ri ia, angkanaya ma'nassa sanna' tojeng nukarimangnginna.


Swiv nou:

Piblisite


Piblisite