GALATIA 5:5 - KITTA' MATANGKASA'

⁵ Mingka untu' ikambe, manrannuang maki' mae ri pannulunNa RohNa Allata'ala; na lanri tappatta mae ri Almasi, Nasare maki' oloang assibajiki ammotere' siagang KalenNa.

GALATIA 5:5 Referans Kwoze

PAMMUJI 130:5

Kutayangi bantuanNa Batara, janjinNa kurannuangi.

1 TESALONIKA 1:10

Nacarita tommi ke'nanga antekamma batenu anrannuangi kabattuanNa Ana'Na Allata'ala battu ri suruga, iamintu Isa, le'baka nipattallasa' poleang ammotere' battu ri kamateanga ri Allata'ala. Ia tomminjo Isa ampasalamakki' battu ri pangngalarroiNa Allata'ala labattua sallang.

PAMMUJI 62:5

Ero' ngaseng jako bawang antu'gurangi battu ri empoang tinggina. Ikau ngaseng nungai a'balle-ballea; nangai assare barakka' bawanu, mingka attunrako lalang atinnu.

2 TIMOTIUS 4:8

Na kamma-kamma anne sadiami hadia pammetangku. Ri Allo Kiamaka sallang, laNapassareammi Batara, Haking adeleka, anjo hadiaya mae ri nakke, lanri assibajikingku siagang Allata'ala lalang ri katallassangku. Siagang teai inakkeji bawang lannarima hadia kammaya anjo, mingka sikontu pole tau sannaka nakku'na antayangi kabattuanNa Batara.

TITUS 2:13

Kamma-kamma anne nitayammi anjo Allo niminasaya; anjo Alloa lanacini'mi bonena linoa kala'biranNa Isa Almasi, iamintu Allata'ala Kaminang Lompoa siagang Karaeng Mappasalamatta.

FILIPI 3:9

siagang nakuakkulle asse're tojeng-tojeng siagang Ia. Teaimi kalengku angngusahai passisambungang bajikku siagang Allata'ala, iamintu lanri kuturukinna hukkung agamaya. Kamma-kamma anne a'jari baji'mi passisambungangku siagang Allata'ala, lanri tappaka' mae ri Almasi. Jari battu ri KalenNa Allata'ala anjo passisambungang bajika, siagang lanri katappakkang mae ri Isa Almasi.

PA'JARIANG 49:18

O Batara, kasalamakkang Kipassareanga, iaminjo sarro kutayanga.

ROMA 5:21

Jari sangkamma angkanaya musti mateki' passabakkang nigaukanna dosaya, sangkamma tomminjo Nasare maki' oloang Allata'ala sollanta assibajiki ammotere' siagang Ia, lanri mangngamaseanNa mae ri katte. Na lanri baji'mi ammotere' passisambunganta siagang Allata'ala, laNasare tommaki' katallassang mannannungang tete ri Isa Almasi, Batarata.

HOSEA 12:6

Anjo Allata'ala iamintu Batara Kaminang Makoasaya. ArenNa iamintu Batara. Lalang iaminjo arenNa naNakellai taua anynyomba mae ri Ia.

PAMMUJI 25:5

Ajaraka' siagang renrenga' untu' attallasa' situru' erotTa, saba' iKattemi Allata'ala ampasalamaka', tuli manrannuanga' mae ri Katte.

2 TESALONIKA 3:5

Poro Narurungangko Batara sa'genna pila' la'bi nupahang pangngamaseanNa Allata'ala siagang kasa'barrang Napassareanga Almasi mae ri kau.

EFESUS 2:18

Tete ri Almasi, siagang lanri RohNa Allata'ala se'rea, akkulle maki' a'reppese' mae ri Manggea, baji' na tu Yahudi yareka bansa maraenga.

PAMMUJI 25:3

Tu ta'baleka ri Katte lanipakasiriki, mingka tu tappaka ri Katte tena nalanipassalasa.

1 KORINTUS 1:7

sa'genna tenamo nukakurangang barakka' manna sirupa, lalang nutayanna kabattuanNa Batarata Isa Almasi ampa'nyatai KalenNa mae ri sikontu rupataua.